வெளிநாட்டு வாழ்வு

by **ஹாசிம்** Sat Apr 09, 2011 3:21 pm

[You must be registered and logged in to see this image.]
பெற்ற தாய்..
பிறந்த மண்..
கூடி மகிழ்ந்த நன்பர்கள்
நேசமாய் பழகிய உறவுகள்
அன்பாய் வளர்த்த செடிகள்
பரிவாய் பார்த்த பிராணிகள்
கொஞ்சிக் குலாவிய துணைவி
ஆசையாய் ஈன்ற மழலை
அத்துணையும் துறந்ததால்
வெளி நாடு

துயர் மனதுக்கு
துன்பம் உடலுக்கு
வேலை வேலையாய்
வாழ்க்கை எல்லாம் வேலை
ஓடி ஓடித் தேய்ந்து
ஊழைத்துக் கொடுப்பது ஊரானுக்கு
ஊதியத்தை சுரண்டும் கயவர்களும்
மனிதனை மிருகத்தை விட
கேவலமாக நடத்தும் சாத்தான்களும
கூடிய வாழ்வு
வெளி நாடு

மெளுகுவர்தியாய் தானுருகி
மற்றவருக்காய் வாழ்ந்தாலும்
சுகங்களேயற்ற மறட்டு வாழ்வு
வெளி நாடு

காசி மட்டும் கை பிடித்து
காகிதமும் பேனாவும் துணை பிடித்து
செல்போனை மட்டும் காதலித்து
யாவுமிருந்தும் எதுவுமில்லா
தனிமை வாழ்வு
வெளி நாடு

பட்ட அடிகளையும் துயரங்களையும்
அழகிய வாழ்கையாய் சித்தரிதப்பதால்
இவனும் ஒரு கலைஞன்
பல க~;டங்கள் கலந்து
இவன் வாழ்வை அழகாய்
வரைந்ததால் இவனும்
ஒரு ஓவியன்
சந்தித்த இன்னல் மலைகளை
குடைந்து மீட்சி கொண்டதால்
இவனும் ஒரு சிப்பி
எதுவாகியும் ஏதுமில்லா வாழ்வு
வெளி நாடு

பலர் வாழ்கைக்காய்
தன் வாழ்வை அடகு வைத்து
வாழ்கையில் இருந்து வெளிப்பட்டதால்
நாடிய வாழ்வு
வெளி நாடு வாழ்வு.

by **அ.இராமநாதன்** Sat Apr 09, 2011 3:36 pm

[You must be registered and logged in to see this image.]
-

கஞ்சிக்கு உப்பில்லை என்பவனின் கவலையும்
பாலுக்கு சர்க்கரை இல்லை என்பவனின் கவலையும் ஒன்றே..!--
உள் நாட்டில் வேலை செய்பவனும், தான் வேலை செய்யும் ஊருக்கு பெண்டு பிள்ளைகளை அழைத்துச் செல்ல
இயலாது, தனியாக அல்லல் படுவது இல்லையா..?

இன்பமும் துன்பமும் அவரவர் கொள்ளும் மனோபாவத்தைப்
பொறுத்ததே..!

by **ஹாசிம்** Sat Apr 09, 2011 3:40 pm

நன்றி ஐயா அதன் வெளிப்பாடுதான் வரிகளானது

by **sagampari** Sat Apr 09, 2011 4:10 pm

ஒரு திரைப்பட பாடல் வரி நினைவிற்கு வருகிறது. ' வயிறு என்னும் பள்ளத்தில் வாழ்க்கையையே தொலைக்கிறான்". இங்கு, தன்னை சார்ந்திருப்பவரின் பசி தீர்க்க தன்னையே தொலைப்பதாக கொள்கிறேன். வெற்று வழ்க்கையின் வேதனையை உணர்த்தும் வரிகள்.