புதுடில்லி: நாட்டையே உலுக்கிய 2 ஜி ஸ்பெக்ட்ரம் ஊழல் விவகாரத்தில் மத்திய வேளாண்துறை அமைச்சர் சரத்பவார் தொடர்பு எந்த அளவிற்கு இருந்திருக்கும் என சி.பி.ஐ., உயர் அதிகாரிகள் மோப்பம் பிடிக்க துவங்கியுள்ளனர். ஸ்பெக்ட்ரம் அலைவரிசை ஒதுக்கீடு ஏலம் விட்டதில் ஒரு லட்சத்து 76 ஆயிரம் கோடி ரூபாய் இழப்பு ஏற்பட்டதாக குற்றம் சுமத்தப்பட்டது.

இந்த விவகாரம் தொடர்பாக மாஜி அமைச்சர் ராஜா திகார் ஜெயிலில் அடைக்கப்பட்டுள்ளார். முதல் குற்றப்பத்திரிக்கை தாக்கல் செய்யப்பட்டு விட்டது. இன்னும் விசாரணை தொடர்கிறது. பார்லி., பொதுக்கணக்கு குழு, பார்லி., கூட்டுக்குழு ஒரு புறம் விசாரணை நடத்தி வருகிறது. கடந்த வாரம் 4 ம் தேதி நீரா ராடியா மற்றும் ரிலையன்ஸ் அம்பானி ஆகியோர் பார்லி., பொதுக்கணக்கு குழு முன்பு ஆஜராகி விளக்கமளித்தனர்.

எனக்கு ஒரளவு தெரியும் ; நீரா ராடியா : இந்நிலையில் நீரா ராடியா சி.பி.ஐ., அதிகாரிகளிடம் அளித்துள்ள வாக்குமூலத்தில் மத்திய அமைச்சர் சரத்பவாருக்கு டி.பி., ரியாலிட்டி என்ற கம்பெனிக்கு தொடர்பு உண்டு. இவரும் , இவரது குடும்பத்தினரும் இந்த கம்பெனியை வெளியில் இருந்த படியோ , நேரடியோகவோ இயக்கி வந்திருக்கலாம். மும்பையை சுற்றி என்ன நடக்கும் என்ற விவரம் எனக்கு ஒரளவு தெரியும் என்பதால் இதுவும் எனக்கு தெரிந்துள்ளது . இதனால் பவார் ராஜாவுடன் தொடர்பு கொண்டு இந்த நிறுவனத்திற்கு கரிசனம் காட்டுமாறு தெரிவித்திருக்கலாம். இவ்வாறு ராடியா கூறியுள்ளார்.

இந்த டி.பி., ரியாலிட்டியின் நிர்வாகிகள் பாவ்லா , வினோத் கோயங்கா தற்போது சிறையில் உள்ளார். இவர்கள் நடத்தும் ஸ்வான் என்ற நிறுவனத்திற்கு 2 ஜி ஸ்பெக்ட்ரம் அலைவரிசை குறைந்த விலையில் வாங்கி அதிக லாபத்திற்கு விற்றனர். இந்த நிறுவனம் தான் தமிழகத்தில் .ள்ள தி.மு.க., ஆதரவு தொலைக்காட்சிக்கு ரூ.214 கோடி கடனாக வழங்கியது. மத்திய அமைச்சர் சரத்பவார் மீதான குற்றச்சாட்டுக்கு ராடியா ஆவணங்கள் எதுவும் தாக்கல் செய்யவில்லை. இது தொடர்பாக பதில் அளித்துள்ள சரத்பவார் இது முற்றிலும் பொய்யானது. எனக்கு தொடர்பு கிøடையாது என்று கூறியுள்ளார்.

நன்றி தினமலர்