மாடல் அழகியுடன் தொடர்பா? * யுவராஜ் மறுப்பு

[You must be registered and logged in to see this image.]

புதுடில்லி:
""பெங்களூரு மாடல் அழகி அக்ஷரா கவுடாவுக்கும் எனக்கும் எவ்வித தொடர்பும்
இல்லை. இதுபோன்று வெளியான செய்தியில் துளியும் உண்மையில்லை,'' என, யுவராஜ்
சிங் திட்டவட்டமாக மறுத்துள்ளார்.
இந்திய கிரிக்கெட் அணியின் அதிரடி
வீரர் யுவராஜ் சிங்(29). சமீபத்தில் முடிந்த உலக கோப்பை தொடரில், தொடர்
நாயகன் விருது வென்று அசத்தினார். தற்போது நடக்கும் நான்காவது ஐ.பி.எல்.,
தொடரில் புனே அணியின் கேப்டனாக செயல்பட்டு வருகிறார். இவக்கும் பாலிவுட்
நடிகைகள் அமிஷா படேல், நேகா துபியா ஆகியோருக்கும் தொடர்பு இருந்ததாக,
ஏற்கனவே "கிசுகிசுக்கள்' கடந்த காலங்களில் வெளியாகின. தற்போது பெங்களூரு
பிரபல நீச்சல் உடை மாடல் அழகி அக்ஷரா கவுடாவுடன் தொடர்பு இருப்பதாக புதிய
செய்தி வெளியாகியுள்ளது.
அதில்,"" யுவராஜ் சிங்கை அக்ஷரா முதலில்
"டுவிட்டரில்' தொடர்பு கொண்டு, நட்பை வளர்த்துள்ளார். மும்பையின் ஒரே
பகுதியில் வசிக்கும் இவர்கள், இணைந்து பல பார்ட்டிகளுக்கு சென்றுள்ளனர்.
தவிர, யுவராஜ் சிங் வீட்டிற்கே, அக்ஷரா சென்றுள்ளார். கடந்த 17ம் தேதி
மும்பையில் நடந்த ஐ.பி.எல்., போட்டிக்கு நேரடியாக வந்து, யுவராஜ் சிங்கை
உற்சாகப்படுத்தினார்,'' என்று தெரிவிக்கப்பட்டுள்ளது.
இந்த செய்தியை யுவராஜ் சிங் திட்டவட்டமாக மறுத்துள்ளார். இதுகுறித்து அவர் வெளியிட்ட செய்தி:
அக்ஷராவுடன்
என்னை இணைத்து வெளியிடப்பட்ட செய்தியால், மிகவும் வருத்தமாக உள்ளேன்.
ரசிகர்கள், நண்பர்கள் இந்த செய்தியை நம்பவேண்டாம். இந்த செய்தியை உறுதியாக
மறுக்கின்றேன். ஏனெனில் இதில் துளியளவும் உண்மையில்லை. அந்த பத்திரிகையில்
கூறப்பட்டுள்ள பெண்ணை, இதற்கு முன் தனிப்பட்ட முறையில் எப்போதும்
சந்தித்ததும் இல்லை. இந்நிலையில், இப்படிப்பட்ட செய்திகள் வெளியாவது
மிகவும் துரதிருஷ்டவசமானது.
தயவு செய்து அனைத்து மீடியாவும், யாருடனும்
என்னை இணைத்து செய்திகள் வெளியிடுவதை நிறுத்திக்கொள்ளுங்கள். இதுபோன்ற
செய்திகளுக்கு முக்கியத்துவம் கொடுக்க வேண்டாம் என்று கேட்டுக்கொள்கிறேன்.
இவ்வாறு யுவராஜ் சிங் கூறினார்.

by **அ.இராமநாதன்** Wed Apr 20, 2011 2:46 pm

[You must be registered and logged in to see this image.]
-
Her original name is Harini Gowda. She has acted in Telugu and Tamil films.
(http://www.indiacrossroads.com/glamour/actresses/aksharagowda/)
--
தமிழில் எந்த படத்தில் நடித்துள்ளார்.?