குடும்ப கட்டுபாட்டு வில்லை..!!

by **RAJABTHEEN** Fri Apr 22, 2011 11:41 pm

குடும்பக் கட்டுப்பாட்டு வில்லைகள்

என்றால் என்ன?

[You must be registered and logged in to see this link.]

இது பெண்களின் இலிங்க ஓமோன்களான ஈஸ்டரஜன் மற்றும் புரோஜஸ்திரோன் என்பன அடங்கிய வில்லைகளாகும்.

ஒவ்வொரு அட்டையும் 21 ஓமோன் குளிசைகளையும் 7 இரும்பு குளிசைகளையும் கொண்டன. 21 குளிசைகளும் ஒரேயளவு ஈஸ்டரஜன், புரோஜஸ்திரோன் கொண்டது.

எவ்வாறு செயற்படும்?

முக்கிய செயற்பாடு- முட்டை வெளியேற்றத்தை தடுத்தல்.
கருப்பை கழுத்து திரவத்தை கடினமாக்கி, விந்து கடத்தலை குறைத்தல்.
கருப்பை சுவரின் தடிப்பை குறைக்கும்.

எவ்வளவு வெற்றிகரமானது?

99.99% - வெற்றிகரமானது.

பாவிக்க கூடியவர்கள்

புதிய தம்பதியினர்- முதல் பிரசவத்தை தாமதிக்க.
இளம் பெண்கள்- முதல் பிரசவத்தை தாமதிக்க.
இடைவெளி ஏற்படுத்த.
திருமணத்திற்கு முன்.
மாதவிடாயை பிற்போட.

மருத்துவரை நாட வேண்டிய சந்தர்ப்பங்கள்

உயர் குருதி அமுக்கம்.
இருதய நோய்கள்.
மார்பக புற்றுநோய்.
ஈரல் நோய்.
வலிப்பு, காச மற்றும் பூஞ்சன நோய்கள்.

எங்கு பெறலாம்?

குடும்ப வைத்தியர்.
எந்தவொரு மருந்தகம்.
குடும்ப திட்ட சங்கம்.
பிணிதாதி.

by **RAJABTHEEN** Fri Apr 22, 2011 11:41 pm

எப்போது ஆரம்பிப்பது?

ஆரம்பிக்க முன் வைத்தியரின் ஆலோசனை பெறவும்.
மாதவிடாய் முதல் நாள் ஆரம்பிக்கப்பட வேண்டும்.
திருமணமாக திட்டமிட்டிருந்தால்,ஓரிரு மாதங்கள் முன் கூட்டியே பாவிக்கவும்.
பாலூட்டும் தாய் எனின் 6 மாதம் வரை ஆரம்பிக்கக்கூடாது.
கருச்சிதைவு ஏற்பட்டால், ஏற்பட்டு 5 நாட்களில்;

எவ்வாறு பாவிப்பது?

காலம் கடக்கும் திகதியை பார்க்க.
பால் நிற வில்லையை மாதவிடாயின் முதல் நாளில் எடுக்க.
ஓவ்வொரு நாளும் ஒரு மாத்திரை வீதம் உட்கொள்க(இரவு-உகந்தது).
இரண்டு மணித்தியாலத்துக்குள் வாந்தி ஏற்பட்டால், இன்னொரு வில்லையை உடனயாக எடுக்கவும்.
பால்நிற வில்லை முடிந்தவுடன் மாநிற வில்லைகள்(இரும்பு வில்லைகள்) எடுக்கவும்.
ஒரு அட்டை முடிந்தவுடன் அடுத்த அட்டையை தொடருக.
எப்போது மேலதிக அட்டை ஒன்றை கைவசம் வைத்திருக்க.
குழந்தைகள் எடுக்க முடியாத இடத்தில் வைக்கவும்.

வில்லைகள் தவறிவிட்டால் என்ன செய்வது.

ஒரு மஞ்சள் நிற வில்லை மறந்தால்- மறந்த வில்லையை உடனடியாக எடுக்கவும். இன்னொரு வில்லையை (அந்த நாளுக்குரியது) உரிய நேரத்தில் எடுக்கவும். பின்பு தொடர்ச்சியாக எடுக்கவும்.
இரண்டு வில்லைகள் மறந்தால்- மறந்த ஒரு வில்லையை உடனடியாகவும், அந்த நாளுக்குரிய வில்லையையும் எடுக்கவும்.
மூன்று அல்லது அதற்கு மேற்பட்ட வில்லைகள்- முதல் இரு வரிசைகளிலிருந்து

மறந்த ஒரு வில்லையை உடனடியாகவும், அந்த நாளுக்குரிய வில்லையையும் எடுக்கவும். பின்பு அட்டை முடியும் வரை தொடரவும். கொண்டம் போன்றவற்றை அடுத்த 7 நாட்களுக்கு, மேலதிக பாதுகாப்பிற்காக பாவிக்கவும்.

மூன்று அல்லது அதற்கு மேற்பட்ட வில்லைகள்- மூன்றாம் வரிசையில்

அவ்வட்டையை வீசிவிட்டு, புதிய அட்டை ஆரம்பிக்கவும். ஒரு வில்லையை உடனடியாக, மற்றய வில்லை அந்த நாளின் உரிய நேரத்தில். பின்பு அட்டை முடியும் வரை.

மேலதிக பாதுகாப்பு- கொண்டம்.

மாநிற வில்லைகள்(இரும்பு) தவறிவிட்டால்-

மறந்த வில்லைகள் வீசப்பட்டு, மீதியுள்ளவை பாவிக்கப்படும்.

by **RAJABTHEEN** Fri Apr 22, 2011 11:42 pm

இதன் பக்க விளைவுகள் என்ன?

அனேக பெண்களுக்கு பக்க விளைவுகள் இல்லை. எனினும் சிலர் குமட்டல், வாந்தி, தலைவலி, உடல் பருமன் கூடுதல், மார்பக வலி மற்றும் யோனி இரத்தம் கசிதல்- போன்ற அறிகுறிகளை காட்டுவர். இவை வாழ்க்கை முறை மாற்றங்களினால் சரி செய்யப்படும்.

குமட்டல் மற்றும் வாந்தி- உணவின் பின் வில்லைகள் எடுப்பதன் மூலம் குறையும்.

அதீத பசியால் உடல் பருமன் அதிகரிக்கும்- சுகாதார ரீதியான உணவும் உடற்பயிற்சியும் உதவும்.

வகைகள்

ஒரே நிலை-21 வில்லைகளும் ஒரே அளவு ஓமோன் கொண்டது

மைக்ரோஜெஸ்ட்(மிதுரி),மைக்ரோகைனோன்.

இரு நிலை- இரண்டு வேறுபட்ட அளவுகள்.

பினிவியோம்.

மூன்றாம் நிலை- மூன்று வேறுபட்ட அளவுகள்.

டிரினோடெல்.

பொதுவாக கேட்கப்படும் கேள்விகள்

வில்லை குடிக்க ஆரம்பித்த பின் மாதவிடாய் ஏற்படுமா?

ஆம்; இரும்பு குளிசைகள் குடிக்கும் போது, மாதவிடாய் ஏற்படும்.

இரத்தம் போகாவிடின் என்ன செய்வது?

முதல் அட்டையின் போது வராவிடின் தொடர்ச்சியாக இரண்டாம் அட்டையையும் பாவிக்கவும். அப்போதும் மாதவிடாய் ஏற்படவில்லை என்றால் – வைத்திய உதவியை நாடவும்.

வில்லையை நிறுத்தியவுடன் கருக்கட்டலாமா?

ஆம்; எனினும் ஒரு 3 மாத தாமதம் ஏற்படலாம். எனவே, நிறுத்தியவுடன் கர்ப்பத்திற்கு ஆயுத்தமாகலாம்.

நீங்கள் கேட்டவை	உண்மையான தகவல்
வில்லை அங்கவீன குழந்தையை உருவாக்கும்.	இல்லை.
வில்லை நிறுத்தியவுடன் கருத்தரிக்கும் ஆற்றலை குறைக்கும்.	இல்லை; பாதிக்காது.
உடலுக்கு ஓய்வு வழங்க சற்று நிறுத்த வேண்டும்.	தேவையில்லை.
பாலியல் தொற்று நோய்களிலிருந்து என்னை பாதுகாக்காது	உண்மையான தகவல். பாதுகாப்புக்கு கொண்டம் தேவை.
தொடர்ச்சியாக உடலுறவு கொள்ளாவிடில் வில்லையை நிறுத்தலாம்.	இல்லை; தொடர்ச்சியாக குடிக்க வேண்டும்.
பருக்கள் குறையும்.	உண்மை
மாதவிடாய்கு முன் அழுத்ததை குறைக்கும்.	உண்மை

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குடும்ப கட்டுபாட்டு வில்லை..!!

குடும்ப கட்டுபாட்டு வில்லை..!!

Re: குடும்ப கட்டுபாட்டு வில்லை..!!

Re: குடும்ப கட்டுபாட்டு வில்லை..!!

Re: குடும்ப கட்டுபாட்டு வில்லை..!!