எலும்புகளுக்கு வலுவூட்டுவதற்காக பெண்கள் முதுமை அடைகின்றபோது மேலதிக
கல்சியத்தை உட்கொள்வதால் மாரடைப்பு மற்றும் பக்கவாதம் என்பன
அதிகரிப்பதற்கான வாய்ப்புக்கள் உள்ளதாக ஆராய்ச்சியாளர்கள்
தெரிவித்துள்ளனர்.





விட்டமின் டி உடன் கூடிய அல்லது விட்டமின் டி அற்ற வகையில் மேலதிக
கல்சியத்தை எடுத்துக் கொள்வது நன்மையை விட தீமையையே அதிகம் கொண்டுவரும்
என்று முன்னர் தெரிவிக்கப்பட்டிருந்த கருத்தை புதிய ஆய்வொன்று மீண்டும்
ஊர்ஜிதம் செய்துள்ளது.

பெண்களுக்கு வயதாகின்ற போது எலும்பு
மூட்டுகளைப் பாதிக்கும் ஒஸ்டியோபொரோஸிஸ் நோயில் இருந்துப் பாதுகாப்புப்
பெருவதற்காக அல்லது எலும்பு நலிவடைவதிலிருந்து பாதுகாப்பு்ப் பெருவதற்காக
ஆயிரக்கணக்காக பெண்கள் அதிகம் கல்சியத்தை உட்கொள்ளுகின்றனர்.





இதுபற்றி நியுஸிலாந்தின் ஆக்லாந்துப் பல்கலைக்கழகப் பேராசிரியர் இயன்றீட் தலைமையிலான குழுவினர் ஆய்வொன்றை நடத்தியுள்ளனர்.

முதுமையை
நெருங்குகின்ற போது பெண்கள் இவ்வாறு அதிகம் கல்சியத்தை எடுத்துக்
கொள்வதால் எலும்புப் பிரச்சினைகளில் இருந்து பாதுகாப்புப் பெருவதை விட
பக்கவாதமும் மாரடைப்பும் ஏற்படுவதற்கான வாய்ப்புக்களே அதிகம் என்று இந்த
ஆராய்ச்சிக் குழு தெரிவித்துள்ளது.

36000 பெண்களை உள்ளடக்கி
ஏழாண்டு காலமாக இந்த ஆய்வு நடத்தப்பட்டுள்ளது. இதில் 25 வீதமான பெண்களுக்கு
அதிக கல்சியப் பாவனையால் மாரடைப்பும், 15 வீதமானவர்களுக்கு மேலதிகமாக
பக்கவாதமும் ஏற்படுவதற்கான வாய்ப்புக்கள் அதிகம் காணப்படுவதாகக்
கண்டறியப்பட்டுள்ளது.

கல்சியப் பொருள் ஒன்றை உட்கொண்டதும்
இரத்தத்தில் ஏற்படுகின்ற கல்சிய மாற்றம் மோசமான விளைவுகளைத் தரக்கூடியது.
இரத்தத்தில் கல்சியம் அளவு கூடுவது இரத்த நாளங்களை கடினமாக்கக் கூடியது
என்றும் தெரிவிக்கப்பட்டுள்ளது