தொலைந்த அடையாளம் தேடி....

by **sagampari** Tue Apr 26, 2011 11:43 am

புரியாத மழலை பேச்சில்
பிஞ்சுகால்கள் தளிரடியில்
சிறு விரல்கோலமிடலில்
பட்டாம்பூச்சி பார்வையில்
- அன்னையின் பிராயம் கழிய

தோளில் தெரிந்த உலகத்தில்
பள்ளி பாட தெளிதலில்
அறிவின் கோவில் வாசலில்
விண்ணேறி சாடும் வயதில்
- தந்தையின் பிராயம் கழிய

வானின் அதீத சிந்தனையில்
பன்னீர் தெளித்த மழையில்
காற்றின் கை வருடலில்
எண்ணற்ற உள்வாங்குதலில்
கண்சிமிட்டும் பூவின் காதலில்
- இளம் பிராயம் கழிய

மீண்டுமொரு தந்தையாய்
தாதியாய் நண்பனாய் குருவாய்
குடும்பத் தலைவனாய்
உலகின் அடையாளமாய்
மொத்த வாழ்க்கையும் முடிய
- இன்னும் கொஞ்சம் கழிய

ஒதுக்கப்பட்ட தாழ்வாரத்தில்
மழலை பேசி காற்றை வருடி
தளிர் நடை நடந்து விண் நோக்கி
தொலைந்த அடையாளம் தேடி
மருளை நீக்கும் உறக்கம் நாடி
தள்ளாத பிராயத்தில் நிற்கிறேன்.

சூப்பர் பாராட்டுக்கள்

by **sagampari** Tue Apr 26, 2011 11:59 am

விண்ணிற்கு கூட்டி செல்லும் தேவதையை எதிர்பார்த்து காத்திருக்கும் முதியரின் ஓவியம் தந்த கவிதை நன்றி யூஜின்

ரொம்ப அருமையா கற்பனை பண்ணுறீங்க தொடர்ந்து உங்கள் கவி பூக்கள் நமது தோட்டத்தில் நறுமணம் வீசட்டுமே

by **sagampari** Tue Apr 26, 2011 1:29 pm

by **kavithaigal** Tue Apr 26, 2011 1:50 pm

தொலை நோக்கு பார்வையில்
தொலைந்து போன பல
தொலை தூர நண்பர்களே ...
நீங்கள்
தொலைந்த தொலைத்த
அடையாளம் தேடி ...
கண் கொண்டு கண்டேன்
காத்திருந்து பார்த்தேன்
வெற்றிடமாய் என் இதயம்
கற்றதனால் சில நேரம் அதை
பற்றியதால் என் உள்ளம்
இன்று
தேடியது
என் உள்ளத்தை

அருமை பாராட்டுக்கள்

அன்புடன் கந்தவேல் கவிதைக்காக . . .

[You must be registered and logged in to see this image.]

நட்புகளின் பிரிவால் தவிக்கும் நண்பரே, வருத்தம் வேண்டாம் தங்களின் நட்புகள் மீண்டும் வெற்றிடத்தை விரைவில் நிரப்புவார்கள்

by **கவிக்காதலன்** Wed Apr 27, 2011 1:47 am

அருமையான வரிகள் !

கவிதை இனிமை !!

by **சிசு** Wed Apr 27, 2011 1:56 pm

//ஒதுக்கப்பட்ட தாழ்வாரத்தில்
மழலை பேசி காற்றை வருடி
தளிர் நடை நடந்து விண் நோக்கி
தொலைந்த அடையாளம் தேடி
மருளை நீக்கும் உறக்கம் நாடி
தள்ளாத பிராயத்தில் நிற்கிறேன்.//

கடைசி வரிகள் - காட்சிப்படிமம்...
மீதம் வரிகள் - வாழ்க்கைப் பதிவு...

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தொலைந்த அடையாளம் தேடி....

தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....

Re: தொலைந்த அடையாளம் தேடி....