[You must be registered and logged in to see this image.]

யாழ்
பிரபல பாடசாலைகளில் ஒன்றான சென் ஜோன்ஸ் கல்லூரியில் உயர்தர வர்த்தகப்
பிரிவில் கல்வி கற்கும் மாணவன் ஒருவன் தூக்கில் தொங்கிய நிலையில் சடலமாக
மீட்கப்பட்டுள்ளார். இச் சம்பவத்தில் மாகியம்பிட்டி சண்டிலிப்பாயைச்
சேர்ந்த இரவீந்திரகுமார் பௌஷன் வயது 18 என்ற மாணவனே சடலமாக
மீட்கப்பட்டவராவார்.
இரண்டாம் தவணைக்கான பாடசாலை நேற்றைய தினம் ஆரம்பமாகியதால் பாடசாலைக்குச்
செல்லுமாறு பெற்றோர் வற்புறுத்தியதால் குறித்த மாணவன் தூக்கில்
தொங்கியதாகத் தெரிவிக்கப்படுகிறது முற்பகல் 10.30 மணியளவில் வீட்டின்
அறையில் இருந்து கயிற்றில் தொங்கிய நிலையில், மானிப்பாய்ப் பொலிசார்
குறித்த வீட்டிற்குச் சென்று கயிற்றுடன் சடலத்தை மீட்டுள்ளனர்.
சம்பவ இடத்துக்குச் சென்ற மல்லாகம் நீதிமன்ற நீதிவான் சடலத்தைப்
பார்வையிட்டதுடன் பிரேத பரிசோதனைக்காக யாழ். போதனா வைத்தியசாலையில்
ஒப்படைக்குமாறு உத்தரவிட்டார்.பிரஸ்தாப மாணவனின் சடலத்தை யாழ் போதனா
வைத்தியசாலையில் ஒப்படைத்த பொலிஸார் மேலதிக விசாரணைகளை மேற்கொண்டுள்ளனர்.
இதேவேளை, யாழ். குடாநாட்டில் இந்த வருடத் தொடக்கத்திலிருந்து நேற்று வரை
45 தற்கொலை மரணங்கள் நிகழ்ந்துள்ளதாகத் தெரிவிக்கப்பட்டுள்ளது.
தூக்கில் தொங்கித் தற்கொலை, தீ மூட்டித் தற்கொலை, நஞ்சருந்தித் தற்கொலை எனப் பல்வேறு வகைகளில் இந்த 45 பேரும் மரணமடைந்துள்ளனர்.
கடந்த ஜனவரி மாதம் 8 பேரும், பெப்ரவரி மாதம் 9 பேரும், மார்ச் மாதம் 16
பேரும் ஏப்ரல் மாதம் (நேற்று வரை) 12 பேரும் தற்கொலை மூலம்
மரணமடைந்துள்ளனர்.
தற்கொலை அதிகரித்திருப்பது தொடர்பாக மனோதத்துவ நிபுணர்களிடம் கேட்ட
போது; மனவலிமையின்மையும், எதிர்காலம் பற்றிய நம்பிக்கையின்மையுமே
அதிகரிப்புக்கான காரணம் என்று அவர்கள் தெரிவித்தனர்.