புதுடில்லி: ஐ.பி.எல்., பரபரப்பான
லீக் போட்டியில், பதட்டப்படாமல் ஆடிய பெங்களூரு ராயல் சாலஞ்சர்ஸ் அணி,
டில்லி டேர்டெவில்ஸ் அணியை 3 விக்கெட் வித்தியாசத்தில் வீழ்த்தியது. விராத்
கோஹ்லியின் அதிரடி அரைசதம் பெங்களூரு அணியின் வெற்றிக்கு கைகொடுத்தது.
டில்லி அணியின் போராட்டம் வீணானது.
இந்தியாவில் நான்காவது ஐ.பி.எல்.,
"டுவென்டி-20' தொடர் நடக்கிறது. நேற்று டில்லியில் நடந்த 30வது லீக்
போட்டியில் டில்லி டேர்டெவில்ஸ், பெங்களூரு ராயல் சாலஞ்சர்ஸ் அணிகள் மோதின.
"டாஸ்' வென்ற பெங்களூரு அணி கேப்டன் வெட்டோரி "பீல்டிங்' தேர்வு செய்தார்.
துவக்கம் மோசம்:
டில்லி
அணி மோசமான துவக்கம் கண்டது. ஜாகிர் வேகத்தில் வார்னர்(7) போல்டானார்.
அடக்கி வாசித்த கேப்டன் சேவக்(25) ரன் அவுட்டாகி அதிர்ச்சி அளித்தார்.
அடுத்து வந்த ஹோப்ஸ், கெய்ல் சுழலில் இரண்டு பவுண்டரி அடித்து நம்பிக்கை
தந்தார். வாதே(8) சோபிக்கவில்லை.
ஹோப்ஸ் அரைசதம்:
பின்
வேணுகோபால், ஹோப்ஸ் இணைந்து பொறுப்பாக ஆடினர். முகமது ஓவரில் 2 பவுண்டரி
அடித்தார் ஹோப்ஸ். மறுபக்கம் மிதுன் பந்தை வேணுகோபால் சிக்சருக்கு பறக்க
விட்டார். வெட்டோரி சுழலில் வேணுகோபால்(24) வீழ்ந்தார். அடுத்து வந்த நமன்
ஓஜா வாணவேடிக்கை காட்டினார். வெட்டோரி, ஜாகிர் பந்துகளில் தலா ஒரு சிக்சர்
அடித்தார். அரைசதம் கடந்த ஹோப்ஸ்(54), மிதுன் வேகத்தில் பெவிலியன்
திரும்பினார். ஓஜா 16 ரன்களில் வெளியேறினார். கடைசி கட்டத்தில் இர்பான்
பதான்(13*) இரண்டு சிக்சர் அடித்து ஸ்கோரை உயர்த்தினார். டில்லி அணி 20
ஓவரில் 6 விக்கெட்டுக்கு 160 ரன்கள் எடுத்தது.
கோஹ்லி அதிரடி:
சவாலான
இலக்கை விரட்டிய பெங்களூரு அணிக்கு முதல் ஓவரிலேயே அதிர்ச்சி. அசோக்
டிண்டா வீசிய இரண்டாவது பந்தில் தில்ஷன் "டக்' அவுட்டானார். பின் விராத்
கோஹ்லி, கிறிஸ் கெய்ல் இணைந்து அதிரடியாக ஆடினர். இர்பான் பதான் ஓவரில்
கோஹ்லி நான்கு பவுண்டரி விளாசினார். மார்கல் ஓவரில் கெய்ல் ஒரு பவுண்டரி,
சிக்சர் அடித்தார். டிண்டா வீசிய போட்டியின் 5வது ஓவரில் கெய்ல் 2
பவுண்டரி, கோஹ்லி ஒரு சிக்சர் அடிக்க, மொத்தமாக 17 ரன்கள் எடுக்கப்பட்டன.
உமேஷ் யாதவ் ஓவரிலும் கோஹ்லி ஒரு சிக்சர், பவுண்டரி அடித்தார்.
விக்கெட் சரிவு:
இந்த
நேரத்தில் ஹோப்ஸ் பந்தில் கெய்ல்(26) அவுட்டானார். அடுத்து வந்த
டிவிலியர்ஸ்(5) ரன் அவுட்டானார். அரைசதம் கடந்த விராத் கோஹ்லி 56
ரன்களுக்கு(8 பவுண்டரி, 2 சிக்சர்), மார்கல் பந்தில் போல்டானார்.
புஜாராவும்(7) ஏமாற்ற, 5 விக்கெட்டுக்கு 107 ரன்கள் எடுத்து திணறியது.
கடைசி
கட்டத்தில் சவுரப் திவாரி, வெட்டோரி இணைந்து துணிச்சலாக போராடினர்.
மார்கல் ஓவரில் திவாரி(18), மிதுன்(0) அவுட்டாக, "டென்ஷன்' ஏற்பட்டது.
ஆனாலும், பதட்டப்படாமல் ஆடிய கேப்டன் வெட்டோரி(18*), முகமது(13) சேர்ந்து
வெற்றியை உறுதி செய்தனர். பெங்களூரு அணி 19.3 ஓவரில் 7 விக்கெட்டுக்கு 161
ரன்கள் எடுத்து அசத்தல் வெற்றி பெற்றது.
ஆட்ட நாயகன் விருதை பெங்களூரு வீரர் கோஹ்லி தட்டிச் சென்றார்.
ஸ்கோர் போர்டு
டில்லி டேர்டெவில்ஸ்
வார்னர்(ப)ஜாகிர் 7(11)
சேவக்-ரன் அவுட்(மிதுன்/டிவிலியர்ஸ்) 25(18)
ஹோப்ஸ்(கே)டிவிலியர்ஸ்(ப)மிதுன் 54(43)
வாதே(ப)மிதுன் 8(9)
வேணுகோபால்(ப)வெட்டோரி 24(21)
ஓஜா(கே)ஜாகிர்(ப)அரவிந்த் 16(11)
இர்பான்-அவுட் இல்லை- 13(7)
யோகேஷ்-அவுட் இல்லை- 0(2)
உதிரிகள் 13
மொத்தம்(20 ஓவரில் 6 விக்.,) 160
விக்கெட் வீழ்ச்சி: 1-33(வார்னர்), 2-43(சேவக்), 3-68(வாதே), 4-115(வேணுகோபால்), 5-142(ஹோப்ஸ்), 6-151(ஓஜா).
பந்துவீச்சு: ஜாகிர் 4-0-27-1, அரவிந்த் 4-0-30-1, வெட்டோரி 4-0-25-1, கெய்ல் 2-0-20-0, மிதுன் 4-0-37-2, முகமது 2-0-17-0.
பெங்களூரு ராயல் சாலஞ்சர்ஸ்
கெய்ல்(கே)வேணுகோபால்(ப)ஹோப்ஸ் 26(14)
தில்ஷன்(கே)ஓஜா(ப)டிண்டா 0(1)
கோஹ்லி(ப)மார்கல் 56(38)
டிவிலியர்ஸ்-ரன் அவுட்(வார்னர்) 5(2)
திவாரி(கே)ஓஜா(ப)மார்கல் 18(20)
புஜாரா(கே)வார்னர்(ப)யோகேஷ் 7(12)
வெட்டோரி-அவுட் இல்லை- 18(19)
மிதுன்(கே)உமேஷ்(ப)மார்கல் 0(2)
முகமது-அவுட் இல்லை- 13(10)
உதிரிகள் 18
மொத்தம்(19.3 ஓவரில் 7 விக்.,) 161
விக்கெட் வீழ்ச்சி: 1-1(தில்ஷன்), 2-83(கெய்ல்), 3-95(டிவிலியர்ஸ்), 4-96(கோஹ்லி), 5-107(புஜாரா), 6-139(திவாரி), 7-139(மிதுன்).
பந்துவீச்சு: டிண்டா 3.3-0-36-1, இர்பான் 3-0-26-0, மார்கல் 4-0-25-3, உமேஷ் 4-0-37-0, ஹோப்ஸ் 4-0-25-1, யோகேஷ் 1-0-3-1.

நன்றி தினமலர்