ஜெய்ப்பூர்: ஐ.பி.எல்., லீக்
போட்டியில் ஜோகன் போத்தா "ஆல்-ரவுண்டராக' அசத்த, ராஜஸ்தான் ராயல்ஸ் அணி 7
விக்கெட் வித்தியாசத்தில் மும்பை இந்தியன்ஸ் அணியை வீழ்த்தியது. பேட்டிங்,
பவுலிங்கில் சோபிக்கத்தவறிய சச்சின் அணி, தோல்வி அடைந்து ஏமாற்றியது.
நான்காவது
ஐ.பி.எல்., "டுவென்டி-20' கிரிக்கெட் தொடர் நாட்டின் முக்கிய நகரங்களில்
நடக்கிறது. நேற்று ஜெய்ப்பூரில் நடந்த லீக் போட்டியில் ராஜஸ்தான் ராயல்ஸ்,
மும்பை இந்தியன்ஸ் அணிகள் மோதின. "டாஸ்' வென்ற ராஜஸ்தான் கேப்டன் ஷேன்
வார்ன், "பீல்டிங்' தேர்வு செய்தார்.
மாற்றம் இல்லை:
இப்போட்டிக்கான
ராஜஸ்தான் அணியில் ஒரு மாற்றம் கூட செய்யப்படவில்லை. மும்பை அணியில் மித
வேகப்பந்துவீச்சாளர் அபு நேசிம் நீக்கப்பட்டு, சுழற்பந்துவீச்சாளர் அலி
முர்டசா வாய்ப்பு பெற்றார்.
சச்சின் ஏமாற்றம்:
முதலில்
பேட்டிங் செய்த மும்பை அணியை, ராஜஸ்தான் பவுலர்கள் போட்டுத் தாக்கினர்.
வாட்சன் பந்தில் ஒரு "சிக்சர்' அடித்த ஜேக்கப்ஸ் (15) நீண்ட நேரம்
நிலைக்கவில்லை. "பவுண்டரி' அடித்து ரன் கணக்கை துவக்கிய சச்சின் (7),
மேனரியா பந்தில் "ஸ்டெம்பிங்' ஆனார். அடுத்து வந்த அம்பதி ராயுடு (11),
ரோகித் சர்மா (13) பெரிய அளவில் சோபிக்கவில்லை.
சைமண்ட்ஸ் ஆறுதல்:
சிறிது
நேரம் தாக்குப்பிடித்த சைமண்ட்ஸ் (17), போத்தா சுழலில் போல்டானார்.
"அதிரடி' போலார்டு (4) சோபிக்கவில்லை. அடுத்து களமிறங்கிய ராஜகோபால் சதிஷ்
(7), மலிங்கா (1) வந்த வேகத்தில் பெவிலியன் திரும்பினர். வாட்சன் வீசிய
ஆட்டத்தின் கடைசி பந்தில், ஹர்பஜன் சிங் ஒரு இமாலய "சிக்சர்' அடிக்க,
மும்பை இந்தியன்ஸ் அணி 20 ஓவரில் 8 விக்கெட்டுக்கு 94 ரன்கள் மட்டுமே
எடுத்தது.
ராஜஸ்தான் சார்பில் போத்தா 3, மேனரியா, அமித் சிங் தலா 2 விக்கெட் கைப்பற்றினர்.
போத்தா அபாரம்:
சுலப
இலக்கை விரட்டிய ராஜஸ்தான் அணிக்கு, டிராவிட் (5) மோசமான துவக்கம்
அளித்தார். அடுத்து வந்த ஜோகன் போத்தாவுடன் இணைந்த வாட்சன் படுமந்தமாக ரன்
சேர்த்தார். போலார்டு பந்தில் ஒரு "சிக்சர்' அடித்த வாட்சன் (26), மலிங்கா
வேகத்தில் வெளியேறினார். மறுமுனையில் அபார ஆட்டத்தை வெளிப்படுத்திய போத்தா,
39 பந்தில் 45 ரன்கள் எடுத்து அணியின் வெற்றிக்கு வித்திட்டார். பின்
இணைந்த ரோஸ் டெய்லர் (13*), அசோக் மேனரியா (4*) ஜோடி அணியை வெற்றிக்கு
அழைத்துச் சென்றது. ராஜஸ்தான் ராயல்ஸ் அணி 18.1 ஓவரில் 3 விக்கெட்டுக்கு 93
ரன்கள் எடுத்து வெற்றி பெற்றது.
ஆட்ட நாயகனாக ராஜஸ்தான் அணியின் ஜோகன் போத்தா தேர்வு செய்யப்பட்டார்.
ஸ்கோர் போர்டு
மும்பை இந்தியன்ஸ்
ஜேக்கப்ஸ் (ப)அமித் சிங் 15(15)
சச்சின் (ஸ்டெம்)யாக்னிக் (ப)மேனரியா 7(7)
அம்பதி (கே)+(ப)மேனரியா 11(13)
ரோகித் (கே)போத்தா (ப)வார்ன் 13(22)
சைமண்ட்ஸ் (ப)போத்தா 17(26)
போலார்டு எல்.பி.டபிள்யு.,(ப)போத்தா 4(15)
சதிஷ் (ஸ்டெம்)யாக்னிக் (ப)போத்தா 7(6)
ஹர்பஜன் -அவுட் இல்லை- 10(7)
மலிங்கா (ப)அமித் சிங் 1(4)
முர்டசா -அவுட் இல்லை- 2(5)
உதிரிகள் 7
மொத்தம் (20 ஓவரில், 8 விக்.,) 94
விக்கெட்
வீழ்ச்சி: 1-22(ஜேக்கப்ஸ்), 2-28(சச்சின்), 3-46(அம்பதி), 4-50(ரோகித்),
5-68(போலார்டு), 6-81(சைமண்ட்ஸ்), 7-82(சதிஷ்), 8-83(மலிங்கா).
பந்துவீச்சு: மேனரியா 4-0-20-2, அமித் சிங் 4-0-14-2, வாட்சன் 4-0-25-0, வார்ன் 4-0-13-1, திரிவேதி 2-0-13-0, போத்தா 2-0-6-3.
ராஜஸ்தான் ராயல்ஸ்
வாட்சன் (கே)ஜேக்கப்ஸ் (ப)மலிங்கா 26(32)
டிராவிட் (கே)சச்சின் (ப)முனாப் 5(16)
போத்தா (ப)முனாப் 45(39)
டெய்லர் -அவுட் இல்லை- 13(18)
மேனரியா -அவுட் இல்லை- 4(4)
உதிரிகள் 2
மொத்தம் (18.1 ஓவரில், 3 விக்.,) 95
விக்கெட் வீழ்ச்சி: 1-17(டிராவிட்), 2-56(வாட்சன்), 3-90(போத்தா).
பந்துவீச்சு: மலிங்கா 4-0-20-1, முனாப் 4-1-18-2, முர்டசா 4-0-15-0, ஹர்பஜன் 3-0-20-0, சதிஷ் 1.1-0-5-0, போலார்டு 2-0-16-0.
முதல் முறை
ராஜஸ்தான்
ராயல்ஸ் அணிக்கு எதிராக 8 விக்கெட்டுக்கு 94 ரன்கள் மட்டுமே எடுத்த மும்பை
இந்தியன்ஸ் அணி, ஐ.பி.எல்., அரங்கில் முதன்முறையாக நூறு ரன்களுக்கு
குறைவான இலக்கை பதிவு செய்தது. கடந்த 2008ல், பஞ்சாப் அணிக்கு எதிராக 9
விக்கெட்டுக்கு 116 ரன்கள் எடுத்ததே மும்பை அணியின் குறைந்தபட்ச ஸ்கோராக
இருந்தது. இதன்மூலம் ஐ.பி.எல்., வரலாற்றில் 13வது முறையாக நூறு ரன்களுக்கு
குறைவாக ரன் எடுக்கப்பட்டது.
* நான்காவது ஐ.பி.எல்., தொடரில், நான்காவது
முறையாக நூறு ரன்களுக்கு குறைவாக ரன் எடுக்கப்பட்டது. முன்னதாக கொச்சி (74
ரன்கள், எதிர்-டெக்கான்), ராஜஸ்தான் (81 ரன்கள், எதிர்-கோல்கட்டா), டில்லி
(95 ரன்கள், எதிர்-மும்பை) அணிகள் மிகக் குறைந்த ஸ்கோரை பெற்றன.

நன்றி தினமலர்