[You must be registered and logged in to see this image.]


மும்பை:
ஐ.பி.எல்., லீக் போட்டியில் இன்று சச்சினின் மும்பை இந்தியன்ஸ் அணி,
யுவராஜ் சிங்கின் புனே வாரியர்ஸ் அணியை சந்திக்கிறது. இரண்டு அணிகளும்
கடந்த போட்டியில் தோல்வியடைந்ததால், இன்று வெற்றிக்கு போராட
காத்திருக்கின்றன.
நான்காவது ஐ.பி.எல்., "டுவென்டி-20' கிரிக்கெட் தொடர்
இந்தியாவில் நடக்கிறது. இதில் மும்பை வான்கடே மைதானத்தில் இன்று நடக்கும்
21வது லீக் போட்டியில் மும்பை இந்தியன்ஸ் அணி, புனே வாரியர்ஸ் அணியை
சந்திக்கிறது.
சச்சின் பலம்:
உலக
கோப்பை தொடரை அடுத்து, நான்காவது ஐ.பி.எல்., தொடரிலும் அசத்தலான ஆட்டத்தை
வெளிப்படுத்தி வருகிறார் மும்பை அணி கேப்டன் சச்சின். மூன்று போட்டிகளில்
பங்கேற்றுள்ள சச்சின், ஒரு சதம், ஒரு அரைசதம் உட்பட மொத்தம் 201 ரன்கள்
குவித்துள்ளார். இன்றும் இவரது அசத்தல் தொடரலாம். இவருடன் துவக்கம் தரும்
ஜேக்கப்ஸ், தன்னை நிரூபிக்க வேண்டும்.
"மிடில்-ஆர்டர்' அம்பதி
ராயுடுவின் அபார ஆட்டம் தொடருவது உறுதி. இவர்களுடன் ரோகித் சர்மா,
போலார்டு, ஜேம்ஸ் பிராங்க்ளின், சைமண்ட்ஸ், தமிழகத்தின் ராஜகோபால் சதீசும்
ரன்குவிப்புக்கு கைகொடுக்கலாம்.
பீல்டிங் மோசம்:
மும்பை
அணிக்கு மலிங்காவின் பவுலிங் பெரும் வரப்பிரசாதமாக அமைந்துள்ளது.
துவக்கத்திலேயே விக்கெட்டுகளை கைப்பற்றுவது இவரது பலம். இதுவே அணிக்கு
பெரும் உதவியாக உள்ளது. இவருடன் முனாப் படேல், பிராங்க்ளின், போலார்டு
ஒத்துழைப்பு தரலாம்.
சுழலில் அனுபவ ஹர்பஜன், இன்னும் விக்கெட் வேட்டையை
தீவிரப்படுத்தாது பின்னடைவு. கடந்த போட்டியில் அணியின் பீல்டிங் மிகவும்
மோசமாக இருந்தது. இன்று இதனை திருத்திக்கொள்வார்கள் என்று நம்பலாம்.
பேட்டிங் எழுச்சி:
ஐ.பி.எல்.,
தொடரில் முதன் முறையாக அறிமுகமான புனே வாரியர்ஸ். முதல் இரண்டு
போட்டிகளில் பஞ்சாப், கொச்சி அணிகளை வீழ்த்திய இந்த அணி, டில்லிக்கு எதிராக
தோல்வியடைந்தது. இருப்பினும், அணியின் துவக்க வீரர் ரைடரின் "பார்ம்',
நிர்வாகத்துக்கு ஆறுதல் அளித்துள்ளது. கடந்தமுறை அரைசதம் அடித்த கேப்டன்
யுவராஜ் சிங், மிதுன் மன்காஸ், மோனிஷ் மிஸ்ரா ஆகியோர் இன்றும் நம்பிக்கை தர
காத்திருக்கின்றனர். அதிரடி வீரர் ராபின் உத்தப்பா, சாதிக்க முயற்சிக்க
வேண்டும்.
பவுலிங் ஏமாற்றம்:
முதல்
இரண்டு போட்டிகளில் சிறப்பாக செயல்பட்ட புனே அணியின் பவுலர்கள் திடீரென
சொதப்ப துவங்கியுள்ளனர். வேகப்பந்து வீச்சாளர் பார்னல், இளம் இந்திய வீரர்
ஸ்ரீகாந்த் வாக் கட்டுக்கோப்புடன் பவுலிங் செய்யதால் நல்லது. இவர்களுக்கு
ஜெசி ரைடர், முரளி கார்த்திக் ஒத்துழைப்பு தரவேண்டும். டில்லிக்கு எதிராக 4
விக்கெட் கைப்பற்றிய யுவராஜ் சிங், மீண்டும் விக்கெட் வேட்டைக்கு தயாராக
உள்ளார்.
முந்துவது யார்?
முதல்
இரண்டு போட்டிகளிலும் வெற்றி பெற்ற மும்பை, புனே அணிகள், மூன்றாவது
போட்டியில் தோல்வியடைந்தன. இதில் மும்பை அணி 182, புனே 187 ரன்கள் எடுத்த
போதிலும், பவுலிங், பீல்டிங் சரியில்லாததால் தோல்வியடை நேரிட்டது. இதனால்
இன்று இரு அணிகளும் வெற்றியை தட்டிச்செல்வதில் மிகவும் விழிப்பாக
<உள்ளது. இதில் வெற்றிபெறும் அணி, புள்ளிப்பட்டியலில் முன்னிலை பெறலாம்.

மும்பை ஜெயிக்கணும்....

சாயங்காலமா எனக்கும் டீ ரெடி பண்ணி வையுங்க... ரெண்டுபேரும் கிர்க்கெட் பாக்கலாம்....

டீ ரெடி பண்ணி கொடுக்கிறேன் .. இன்று எனக்கு மாலையில் சில அலுவல்கள் இருக்கு அதனால் தங்களுடன் சேர்ந்தி இருந்து ஆட்டத்தை ரசிக்க முடியாது நண்பரே..

: :...: : : :...: :

ஹி...ஹி...ஹி...ஹி... நானும் அலுவலகத்தில் தான் இருக்கேன்... / இருப்பேன்... அதனால இன்னொரு நாளைக்கு பாக்கலாம்...

ஆனா டீ மறக்காம அனுப்பிடுங்க...

கவலய விடுங்க பாஸ் இன்னும் பல போட்டிகள் இருகு விரைவில் நாம் ஒன்றாக இணைந்து பார்க்கலாம்

டீ உங்களுக்கு இல்லாமலா

யாரு ஜெயிச்சா எனக்கென்னா