விளையாட்டு மைதானத்திலிருந்து வெளியேற மறுத்த ஆறு வயதுச் சிறுவனை, இன்னொரு
ஆசிரியையின் உதவியோடு அவனது கரத்தை பிடித்து பலவந்தமாக பாடசாலைக்குள்
அழைத்துச் சென்றமைக்காக பிரதி தலைமை ஆசிரியை ஒருவர் பதவி நீக்கம்
செய்யப்பட்டுள்ளார்.





மிகவும் கௌரவத்துக்குரிய ஒரு ஆசிரியையான டெபி எலிஸ் என்பவருக்கே இந்தக் கதி ஏற்பட்டுள்ளது.

இவர்
20 வருடம் கௌரவமாக ஆசிரியத் தொழிலில் இருந்தவர். வேல்ஸ் வடபகுதியில்
ரெக்ஸ்ஹாமில் உள்ள ஹேபொர்ட் வி வேர்ன் ஆரம்பப் பாடசாலையில் தற்போது
பணியாற்றி வருகின்றார்.

[You must be registered and logged in to see this image.]

பௌதிக
ரீதியாகவும், உளவியல் ரீதியாகவும் பிள்ளையைத் தாக்கியுள்ளார் என்பது தான்
இவர் மீதான குற்றச்சாட்டு. ஆனால் இந்தப் பிள்ளையின் பெற்றோரோ அல்லது வேறு
எவருமோ இவருக்கு எதிராக முறைப்பாடுகளைக் கூடச் செய்யவில்லை.

இந்த
முடிவு முற்றிலும் நியாயமற்றது என்றும் இதற்கு எதிராக நடவடிக்கை
எடுக்கவுள்ளதாகவும் அவரின் சட்டத்தரணி அறிவித்துள்ளார். சம்பவ தினம் இந்தப்
பாடசாலையின் அதிபர் கடமையில் இருக்கவில்லை.

எலிஸ் தான் பிரதி
அதிபர் என்ற வகையில் பொறுப்பில் இருந்தார். குறிப்பிட்ட மாணவன்
விளையாட்டுக்கான வேளை முடிந்தும் மைதானத்தை விட்டு வெளியேறி வகுப்புக்குச்
செல்ல பிடிவாதமாக மறுத்துள்ளான்.

ஆசிரியைகள் அவனின் தாய்க்கு அறிவித்துள்ளனர். ஆனால் அவர் உரிய நேரத்தில் வரவில்லை. எனவே எலிஸிடம் முறையிட்டனர்.

அவர் வெளியே வந்து இன்னொரு ஆசிரியையின் உதவியோடு அந்த மாணவனை கையைப் பிடித்து தூக்கிக் கொண்டு வந்து வகுப்பறையில் விட்டார்.

நடந்த
சம்பவத்தை அவர் அதிபருக்கும் அறிவித்தார். ஆனால் விடயம் பாடசாலை
நிர்வாகிகள் சபைக்குச் சென்று கடந்த ஒருவருடமாக விசாரணை இடம்பெற்றது.

இப்போது எலிஸ் வேலையில் இருந்து நீக்கப்பட்டுள்ளதாக முடிவு அறிவிக்கப்பட்டுள்ளது