பதவி விலக மறுத்த ஐவரிகோஸ்ட் ஜனாதிபதி கைது

by **RAJABTHEEN** Wed Apr 13, 2011 11:17 am

ஐவரிகோஸ்ட் ஜனாதிபதி லோரன்ட் பக்போ கிளர்ச்சிப் படையினரால் கைது செய்யப்பட்டுள்ளார்.ஐவரி கோஸ்டில் கடந்த நவம்பரில் நடைபெற்ற தேர்தலின் போது எதிர்க்கட்சி வேட்பாளர்
அவுட்டேரா வெற்றி பெற்றிருந்த போதும், பக்போ பதவி விலக மறுத்திருந்தார். ஆயினும்
சர்வதேச சமூகம் அவுடேராவையே ஜனாதிபதியாக அங்கீகரித்திருந்தது.[You must be registered and logged in to see this image.]அத்துடன் பக்போ பதவி விலக வேண்டுமென ஐ. நா. ஆதரவுடன் அவுட்டேராவின் படைகள் போராட்டம்
நடத்தி வந்தன. பக்போவின் படையினருக்கும் அவர்களுக்கும் மத்தியில் கடும் மோதல்கள்
நடைபெற்றிருந்தன. அவ்வாறான நிலையிலேயே அபிட்ஜான் நகரிலுள்ள ஜனாதிபதி மாளிகையில்
வைத்து பக்போ கைது செய்யப்பட்டுள்ளதாக அறிவிக்கப்பட்டுள்ளது.
அவர் பிரெஞ்சுப்
படைகளாலேயே கைது செய்யப்பட்டு அவுடேராவின் படைகளிடம் ஒப்படைக்கப்பட்டதாகவும் சில
செய்திகள் தெரிவிக்கின்றன. ஆயினும் அவர் அவுட்டேராவின் படைகளாலேயே கைது செய்யப்
பட்டதாக பிரெஞ்சுத் தூதுவர் அறிவித்துள்ளார். பக்போ இழைத்துள்ள குற்றங்களுக்காக அவர்
மீது விசாரணைகள் மேற்கொள்ளப்படும் என்று ஐ. நா. தூதுவர் அறிவித்துள்ளார்.
காக்போவுடன் அவரது மனைவியும் கைது செய்யப்பட்டுள்ளார். அவர்கள் இருவரும்
குவாட்டாராவின் முகாமில் உள்ள கோல்ப் ஹோட்டலில் வைக்கப்பட்டுள்ளனர். இந்த தகவலை
பிரான்ஸ் தூதர் ஜீன்மாக்கிமான் தெரிவித்துள்ளார். இதையடுத்து கடந்த ஒரு மாத காலமாக
ஐவரிகோஸ்டில் நிலவி வந்த அதிகாரப் போட்டி முடிவுக்கு வந்ததாக கருதப்படுகிறது. இதனைத்
தொடர்ந்து ஐவரிகோஸ்டின் புதிய ஜனாதிபதியாக ஐ. நா. சபையால் அங்கீகரிக்கப்பட்ட
அலாங்சான் குவாட்டாரா பதவி ஏற்கவுள்ளார்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பதவி விலக மறுத்த ஐவரிகோஸ்ட் ஜனாதிபதி கைது

பதவி விலக மறுத்த ஐவரிகோஸ்ட் ஜனாதிபதி கைது