அறிமுகம்.

by vetha.Elangathilakam. Sun May 08, 2011 3:40 pm

வேதா. இலங்காதிலகம் ஆகிய நான் டென்மார்க்கிலிருந்து நீண்ட காலமாக எழுதுகிறேன். எனது அறிமுகத்திற்கு எனது பிளாக்கர் இணைப்பு தருகிறேன் . அதன் மூலம் நிறைய அறிய முடியும். இதோ! இணைப்பு...http://kovaikkavi.wordpress.com/about/...

வருக வருக என வாழ்த்தி வரவேற்க்கிறோம்..

[You must be registered and logged in to see this image.]

உங்கள் வருகை நமது தோட்டத்துக்கு மகிழ்வே, உங்கள் வலைக்குடில் பார்த்தேன் மகிழ்ந்தேன்.

தொடர்ந்து உங்கள் கவிப் பூக்களை நமது தோட்டத்திலும் பூக்கவிடுங்க

உங்கள் தமிழ்பணி செழித்து வளர பாராட்டுக்களும் வாழ்த்துக்களும்

[You must be registered and logged in to see this link.]

அன்பானவர்களே!

எல்லோருக்கும் வணக்கம்.

யாழ்ப்பாணம்
கோப்பாய் நாவலர் பாடசாலை முன்னாள் ஆரம்பகர்த்தாவும் தலைமையாளரும், யாழ்
அரச குடும்ப இரண்டாவது பரராஐசேகரன் (எதிர்மன்னசிங்கன்) வம்சாவழி வந்த
முருகேசு சுவாமிநாதர் – சிவகாமிப்பிள்ளையின் இரண்டாவது மகன் நகுலேஸ்வரர்
எனது தந்தையார்.

புத்தூர் மாளிகைப் பொன்னம்பலம்,தெய்வானைப்பிள்ளையின் இரண்டாவது மகள் சிவக்கொழுந்து எனது தாயார்.

1976ல் இலங்கை
வானெலியில் ‘பூவும் பொட்டும்’ மங்கையர் மஞ்சரிக்கு நான் எழுதியதில்
இருந்து எனது எழுத்துச் சாலை ஆரம்பம். அதற்கு முன்னர் அப்பாவின் வாசிப்புப்
பிரியம் என்னோடு தொற்றியது. பாடசாலைப் பேச்சுப் போட்டிகளிலும் பங்கு
பற்றிப் பரிசு பெற்றுள்ளேன். திருமணமாகிக் கணவரின் ஊக்குவிப்பிலும்
டென்மார்க், யேர்மனி, இலண்டன் சஞ்சிகைகள் சிலவற்றிலும் எழுதினேன்.

வானொலி,
தொலைக்காட்சிகளில் விமர்சனம், கவிதை, அனுபவக் கட்டுரைகள் எழுதி
வாசித்துள்ளேன், வாசிக்கிறேன். ரி.ஆர்.ரி தமிழ் அலை ஐரோப்பிய வலத்தில்
இரண்டேகால் வருடங்கள் டென்மார்க் செய்திகளும்,இலண்டன் தமிழ் வானொலியில்
தகவல் சாலயில் இரண்டு வருடங்கள் டென்மார்க் செய்திகளும் வாசித்துள்ளேன்.

2002ல்
‘வேதாவின் கவிதைகள்’ நூலும், 2004ல் ‘குழந்தைகள் இளையோர் சிறக்க’ என்ற
தலைப்பில் மொழிபெயர்ப்புக் கட்டுரைகள் கொண்ட நூலும், 2007ல் ‘உணர்வுப்
பூக்கள் எனும் கவிதை நூலை நானும் எனது கணவருமாக எழுதி வெளியிட்டோம்.

இசை,
நடனம் கலைகளை மிகுந்த ஈடுபாட்டுடன் ரசிப்பதுண்டு. மேடைகளில் கவிதைகள்
வாசிப்பதுண்டு. தமிழெனும் வேர் காக்கும் விதைப்பு இது. டேனிஸ் மொழியில்
குழந்தைகள் பராமரிப்பு (நர்சரி) பற்றிய கல்வியை மூன்று வருடங்கள் படித்து
‘பெட்டகோ’ எனும் தகுதியை 1993ல் பெற்று 3லிருந்து 12 வயது டெனிஸ், தமிழ்ப்
பிள்ளைகளுடன் சுமார் பதினைந்து வருடங்கள் வேலை செய்துள்ளேன்.

இன்று
பதிவுகள்.கொம், வார்ப்பு.கொம் , முத்துக்கமலம்.கொம், தமிழ்ஆத்தேர்ஸ்.கொம்
இன்னும் சிலவற்றில் (அலைகள்.கொம், தமிழ்விசை.கொம்) அவ்வப்போது எமுதுகிறேன்.

செந்தமிழ்
நூலெடுத்துக் கவி மாலிகை, பாமாலிகையென பாக்களால் மாலை, சிந்தனை மொழி,
கட்டுரை, கதை என்று பல வகைகளாகப் புனையும் இணையச் சாலையில் எனது இடுகைகளை
வாசியுங்கள். வாசிப்பதோடு நின்றுவிடாது உங்கள் கருத்துக்களையும் இங்கு பதிவு செய்யுங்கள்.
உங்கள் ஒவ்வோரு சொல்லும் என்னை மேலும் மேலும் எழுத ஊக்குவிக்கும் கிரியா
ஊக்கியாகும் அனைவருக்கும் நல்வரவு கூறுகிறேன். வாசித்து மகிழுங்கள். நன்றி.

என்றும் அன்புடன்

வேதா. இலங்காதிலகம்.
ஓகுஸ், டென்மார்க்.
7-7-2010.

கூகிள் தேடலில் – வேதா இலங்காதிலகம் - (தமிழில்) எழுதி அழுத்துங்கள் மேலும் விவரங்கள் பெறுவீர்கள். நன்றி.

[You must be registered and logged in to see this link.]%E0%AE%99%E0%AF%8D%E0%AE%95%E0%AE%BE%E0%AE%A4%E0%AE%BF%E0%AE%B2%E0%AE%95%E0%AE%AE%E0%AF%8D

என்னைப் பற்றி கட்டற்ற கலைக்களஞ்சியம் விக்கிபீடியாவில் உள்ளதையும் சேர்த்துள்ளேன்.

[You must be registered and logged in to see this link.]

இது அலைகள்.கொம் இணையத்தளத்தில் என்னுடனான பேட்டி.

நன்றி.

அன்புடன்

வேதா. இலங்காதிலகம்.