அனுபவம்

by **அ.இராமநாதன்** Thu May 12, 2011 12:02 pm

-
மழை பெய்யும்போது அதில் நனைந்தால்
சளி பிடிக்கும் என்று நனைய
மறுத்து விட்டேன்
-
காற்று அடிக்கும்போது தொண்டையில்
பழுதிபடியும் இருமல் வந்து தூங்க
விடாது துன்புறுத்தும் என்று
ஜன்னல்களைச் சாத்தி விட்டேன்
-
யாரோ எழுதிய நூல்கள் கிடைக்கும்போது
படித்துப் படித்துப் பார்வை
குறுகிப் போகிறதே தவிர ஞானம்
பிறக்கவில்லை என்று படிப்பதை
நிறுத்திவிட்டேன்.
புஸ்தகங்களை தலைமாட்டில்
வைத்துக் கொண்டு
படிக்காமல் இருக்கப் பழகி விட்டேன்.
-
காதலிகள் தேடி வந்தபோது ஆசை
அடித்துக் கொண்டாலும்
ஊரார் ஏதாவது சொல்வார்கள்
ராஜி ஆட்சேபிப்பாள் என்று
பயந்து ஒதுங்கி ஒதுங்கிப்
போய் விட்டேன்.
-
காதலி வேறு யாரையோ நாடிப்
போய் விட்டாள்.அவள்
போவதை சாத்திய கதவு
வழியாகப் பார்த்துப் பெரு
மூச்சு விட்டு நின்றேன்.
-
சாவு என்கிற அனுபவம் ஏற்படும்போது
மறுபடி அதை விவரிக்க ஒரு
சந்தர்ப்பம் ஏற்படும் என்று
இரண்டாவது சாவுக்கும்
காத்து நிற்கிறேன்..!
-
===============================

>க.நா.சுப்ரமணியம்
நன்றி: குமுதம் ஹெல்த் 1-15, மார்ச்,11