வற்றிடாத அன்பு

by **ஹாசிம்** Thu May 19, 2011 4:50 pm

[You must be registered and logged in to see this image.]
அன்பிற்கு நிகர் நீதானென்று
அல்லும்பகலும் உனைத்தொடர்ந்திட
ஆவலளித்த பாசமுனது
ஆசை தீர்த்திடாத அன்புனது

வானங்கள் இடிந்திடட்டும்
மலைகள் மணல்களாகட்டும்
கடல்கள் வரட்சி பெறட்டும்
உனதன்பிற்கு ஈடிணையில்லை

நானடைந்த நட்புகளையும்
நானடைந்த காதலிகளையும்
நானடைந்த உறவுகளையும்
வென்றுவிட்ட அன்புனது

அம்மா என்றழைத்த போது
அகிலம் மறந்த ஆரத்தழுவலில்
ஏக்கங்களின் பிரதிபலிப்பாய்
ஊற்றெடுக்கும் பாசமுனது

பாசங்கலந்த பாலுட்டி
உதிரத்தில் கலந்துவிட்டதால்
நீயென்று உணரும்போதே
நானெனை மறந்துவிடுகிறேன்
என்னுயிர் பிரியும்வரை
எனதன்பும் வற்றிடாதம்மா...