அவளை பார்த்த ஞாபகத்தில்...

by **அ.இராமநாதன்** Sun May 22, 2011 10:42 am

-

* அவளைப் பார்த்த அந்த நொடி
உயிரில் ஜீவநதி உருண்டோடி
உயிர் மலரக் கண்டேன்!

* ஊரே தூங்கும் போது...
இமை மூடாதிருந்தேன்...
உள்ளத்தில் அவளை வைத்து
உலகத்தை மறந்து போனேன்,
அவளை பார்த்த ஞாபகத்தில்!

* வெள்ளை அணு, சிவப்பணு
சண்டையிட்டு காதலாகி
காதலின் காலடியில்
கண்கள் பூத்து நின்றேன்,
அவளை பார்த்த ஞாபகத்தில்...

* தனிமை உணர்வுகளை ரசித்து,
தனியே பேசி சிரித்து,
வெட்கம் மறந்து,
வினாடிக்குள் கரைந்து போனேன்,
அவளை பார்த்த ஞாபகத்தில்!

* மின்னல்கள் கூத்தாடி
கண்கள் கொய்து போனாள் -அந்த
பூகம்ப அலைகளில்
புன்னகை மறந்து போனேன்,
அவளை பார்த்த ஞாபகத்தில்!

* இரவில் கதிரவனையும்,
பகலில் நிலவையும் தேடும்
விசித்திரமான வியாதிக்குள்
வீழ்ந்து கிடந்தேன்,
அவளை பார்த்த ஞாபகத்தில்!

* கிறுக்கல்கள் கவிதையென
உணர்ந்தேன்...
கிழக்கு வெளுக்கும் முன்
விழித்தெழுந்தேன்,
அவளை பார்த்த ஞாபகத்தில்!

* தாயின் கருவறைக்குள்
ஈரைந்து மாதம் இருந்த
இன்பம் போல் இருந்தது,
அவளை பார்த்த அந்த நொடி!

* உயிரின் ஈரம்
உலர்ந்து போகுமுன்
மீண்டும் ஒரு முறை
பார்ப்பேனா அவளை!

* அவள் நினைவுகளே
வாழ்க்கை என்றான பிறகு,
அவள் தொடும் தூரத்தில்
இருந்தாலென்ன...
தொலை தூரத்தில் இருந்தாலென்ன!
-==============================

— க.மோகன், அறந்தாங்கி.
நன்றி: வாரமலர் (தினமலர்)

நல்லா இருக்கு பகிர்வுக்கு நன்றி

by csekar Sun May 22, 2011 4:33 pm

ரெம்ம்பவும் நல்ல இருந்தது .....!!

by **arony** Mon May 23, 2011 1:31 am

அழகான கவிதை ரசித்தேன்...

//உயிரின் ஈரம்
உலர்ந்து போகுமுன்
மீண்டும் ஒரு முறை
பார்ப்பேனா அவளை!

//

அடக் கடவுளே... இன்னும் பார்க்கவில்லையா திரும்ப.. ஓடிப்போய்ப் பார்த்துக் காதலைச் சொல்லிடுங்கோ, இல்லாட்டில்
”அணிலை மரம் ஏற விட்ட நாயின் கதையாகிடும் காதல்”..

அவளை பார்த்த ஞாபகத்தில்... 765568