சுமக்கும் வாதை...

by **அ.இராமநாதன்** Sun May 22, 2011 1:27 pm

[img]

சுமக்கும் வாதை... Bhavanastills89449x500

[/img]
-

சுமந்து கொண்டிருக்கிறோம்
எதைச் சுமந்து கொண்டிருக்கிறோம்
என்பதை அறியாதவாறு
-
ஒரு வாதையை நீங்கள்
தொட்டுப் பார்த்திருக்கிறீர்களா?
கட்டிப் பிடித்திருக்கிறீர்களா?
முத்தம் கொடுத்திருக்கிறீர்களா?
-
நீங்கள் ஒரு வாதைக்கு அதிக பட்சம் பரிசளிப்பது
சில சொட்டுக் கண்ணீர்த் துளிகள்தான்
உங்களுக்கு மரணத்தை முத்தமிடத் தெரிந்திருந்தால்
வாதை எதுவெனப் புரிந்திருக்கும்
அல்லது
வாதையை முத்தமிடத் தெரிந்திருந்தால்
சாவு உங்களை அடைந்திருக்கும்.
-
மரணத்துக்கும் வாதைக்கும் இடையே
ஊசலாடிக் கொண்டிருக்கிறது
காலம்
ஒரு காதல் பார்த்துக் கொண்டிருக்க
ஒரு காமம் மரணித்துக் கொண்டிருக்க.
-
=============================
>சுதீர் செந்தில்
நன்றி: கல்கி 15-5-11