புதுச்சேரி, மே. 25: மருத்துவம், பொறியியல் உள்ளிட்ட உயர் தொழில்நுட்ப
படிப்புகளில் சேர்வதற்கான சென்டாக் விண்ணப்பம் இன்று முதல்
விநியோகிக்கப்படுகிறது.
புதுச்சேரி அரசு மற்றும் தனியார் கல்லூரிகளில் உள்ள மருத்துவம்,
பொறியியல் உள்ளிட்ட உயர் தொழில்நுட்ப படிப்புகளுக்கான இடங்கள் சென்டாக்
மூலம் நிரப்பப்பட்டு வருகின்றது.
அந்தவகையில் இந்த ஆண்டிற்கான இடங்களை நிரப்ப சென்டாக் விண்ணப்பங்கள் இன்று முதல் விற்பனை செய்யப்பட்டு வருகின்றது.
ஒரு விண்ணப்பத்தின் விலை ரூ.550 ஆகும். எஸ்.சி., எஸ்.டி. பிரிவினருக்கு
ரூ.275 கட்டணம் ஆகும். இந்த விண்ணப்பங்கள் புதுச்சேரி தலைமை தபால் நிலையம்,
அரியாங்குப்பம், பாகூர், கண்டமங்கலம், லாஸ்பேட்டை, முதலியார்பேட்டை,
முத்தியால் பேட்டை, நெட்டப்பாக்கம், திருக்கனூர், பள்ளி நேலி யனூர்,
வில்லியனூர், காரைக்காலில் உள்ள தலைமை தபால் நிலையம் மற்றும் அம்பகரத்தூர்,
நெடுங்காடு, நிரவி, திருநள்ளார் மற்றும் ஏனாம், மாகி ஆகிய தபால்
நிலையங்களிலும், காலாப்பட்டில் உள்ள புதுச்சேரி பொறியியல் கல்லூரியில் உள்ள
கூட்டுறவு பண்டக சாலையிலும் விண்ணப்பங்கள் விற்கப்பட்டு வருகின்றது.
பிளஸ்-2 முடித்த மாணவர்கள் இன்று பள்ளிகளில் தங்கள் மதிப்பெண் பட்டியலை
பெற்றுக்கொண்டதுடன், தபால் நிலையங்களுக்கு சென்று சென்டாக்
விண்ணப்பங்களையும் பெற்றுக் கொண்டனர். இந்த விண்ணப்பங்கள் அடுத்த மாதம்
22ம் தேதிவரை வினியோகிக்கப்படும். பூர்த்தி செய்யப்பட்ட விண்ணப்பங்கள்
அன்று மாலை 5 மணிக்குள் புதுச்சேரி பொறியியல் கல்லூரியில் உள்ள சென்டாக்
அலுவலகத்தில் ஒப்படைக்க வேண்டும்.
ஆன் லைன் மூலம் பெற விரும்புபவர்கள் [You must be registered and logged in to see this link.] என்ற இணைய தள
முகவரிக்கு சென்று அடுத்த மாதம் 18ம் தேதிவரை விண்ணப்பங்களை பெற்றுக்
கொள்ளலாம்.

நன்றி