சேலம்: உதவி தொடக்கக்கல்வி அலுவலர் பணியிடத்துக்கான, டி.ஆர்.பி., தேர்வு விண்ணப்பங்கள் இன்று முதல் சேலம் கோகுலநாத இந்து மகாஜன மேல்நிலைப்பள்ளியில் வழங்கப்படுகிறது.தமிழகத்தில் நேரிடையாக ஆசிரியர் தேர்வு வாரியத்தின் எழுத்துத்தேர்வு மூலம், 34 உதவி தொடக்கக்கல்வி அலுவலர்களை தேர்ந்தெடுப்பதற்கான தேர்வு அறிவிக்கப்பட்டுள்ளது. இதில் தமிழ்-3, ஆங்கிலம்-4, கணிதம்-3, இயற்பியல்-3, வேதியியல்-6, தாவரவியல்-4, விலங்கியல்-4, வரலாறு-3, புவியியல்- 4 என, பாடவாரியாக மொத்தம், 34 பேர் தேர்ந்தெடுக்கப்பட உள்ளனர்.இதற்கான தேர்வு ஜனவரி, 8ம் தேதி நடைபெற உள்ளது. விண்ணப்பங்கள் இன்று காலை, 10 மணி முதல் நவம்பர், 19ம் தேதி மாலை, 5 மணி வரை சேலம் கோகுலநாத இந்து மகாஜன மேல்நிலைப்பள்ளியில் வழங்கப்பட உள்ளன. விண்ணப்ப படிவங்களை பூர்த்தி செய்து விண்ணப்பதாரர்கள் இதே பள்ளியில் விண்ணப்பங்களை சமர்பிக்கவும் முகாம் அமைக்கப்பட்டுள்ளது.விண்ணப்ப படிவங்கள் காலை, 10 மணி முதல் மாலை, 5 மணி வரை ஞாயிற்றுகிழமை நீங்களாக அனைத்து நாட்களிலும் வழங்கப்படும். 50 ரூபாய் செலுத்தி, தகுதியுள்ளவர்கள் விண்ணப்பங்களை பெற்றுக்கொள்ளலாம்.

பூர்த்தி செய்யப்பட்ட விண்ணப்பத்துடன், தேர்வுக்கட்டணமாக தாழ்த்தப்பட்டோர் மற்றும் பழங்குடியினருக்கு, 150 ரூபாயும், மற்ற பிரிவினர், 300 ரூபாய்க்கும் ஸ்டேட் பாங்க் ஆஃப் இந்தியா, இந்தியன் ஓவர்சீஸ் வங்கி, இந்தியன் வங்கி ஆகிய மூன்று வங்கிகளில் ஏதேனும் ஒன்றில், சென்னையில் செல்லத்தக்க "டி.ஆர்.பி.,' பெயரில் டி.டி., எடுத்து இணைக்க வேண்டும்.தமிழ்நாடு ஆசிரியர் தேர்வு வாரியம் அறிவித்துள்ள இத்தேர்வுக்கு தகுதியுள்ளவர்கள் அனைவரும் விண்ணப்பித்து பயன்பெறலாம் என கலெக்டர் மகர பூஷணம் தெரிவித்துள்ளார்.