சமச்சீர் கல்வி ஆராயும் நிபுணர் குழு ஆலோசனை கூட்டம்

by **அரசன்** Fri Jun 17, 2011 8:21 pm

சுப்ரீம் கோர்ட்டு உத்தரவுப்படி சமச்சீர் கல்வி பாடத்திட்டத்தின் தரம் மற்றும் பாடநூல்களின் தரம் குறித்து ஆராய தலைமை செயலாளர் தேவேந்திரநாத் சாரங்கி தலைமையில் 9 பேர் கொண்ட குழுவை அமைக்க முதலமைச்சர் ஜெயலலிதா உத்தரவிட்டார்.

இந்நிபுணர் குழு ஆலோசனை கூட்டம் சென்னை தலைமைச் செயலகத்தில் தலைமைச் செயலர் தலைமையில் நடைபெற்று வருகிறது.

இந்த ஆலோசனைக் கூட்டத்தில் மத்திய இடை நிலைக்கல்வி வாரிய முன்னாள் இயக்குநர் (கல்வி) ஜி.பாலசுப்பிரமணியன், சென்னை லேடி ஆண்டாள் மெட்ரிக்குலேசன் பள்ளி முன்னாள் முதல்வர் விஜயலட்சுமி சீனிவாசன், டி.ஏ.வி. பள்ளிகள் குழுமம் நிறுவனர் ஜெயதேவ், பத்மா சேஷாத்ரி பாலபவன் பள்ளிகள் குழுமம் இயக்குனர் திருமதி ஒய்.ஜி. பார்த்தசாரதி, தேசிய கல்வி ஆராய்ச்சி மற்றும் பயிற்சி நிறுவனத்தின் பிரதிநிதிகள் பேராசிரியர் பி.கே.திரிபாதி, பேராசிரியர் அனில் சேத்தி, பள்ளிக்கல்வி துறை செயலாளர் சபீதா, பள்ளிக் கல்வித்துறை இயக்குநர் வசுந்தரா தேவி ஆகியோர் கலந்து கொண்டனர்.

நன்றி : நக்கீரன்