இந்த பஞ்ச பூதங்கள் ஆட்சி செய்யும் உலகில், நாம் நமக்கு பிடித்த ஏதாவது ஒரு தெய்வத்தை வணங்கி வருகிறோம். அந்த ஒரு தெய்வத்தை வணங்குவது மட்டும் போதாது. நாம் நம்மை நிறைய மாற்றங்களுக்கு உட்படுத்திக் கொள்ள வேண்டும். முக்தி வேண்டும் என்று ஆசைப்பட்டு, வழிபாடு செய்பவன், மீண்டும் மீண்டும் பிறப்பெடுக்க காரணமாக உள்ள பிறப்பு உறுப்பு விஷயங்களில் இருந்து முழுமையாக விடுபட வேண்டும்.
5 தெய்வங்களை நாம் அவசியம் வழிபட வேண்டும்.
1. கண நாதன் ( விநாயகப் பெருமான்): இவர் சித்தி, புத்தி தருபவர். - நாம் அறிவுடன் வாழ சித்தியுடன் கூடிய புத்தியும் கொண்டிருந்தால் தான் அறிவு பூர்வமாக முடிவெடுத்து அறிவு பூர்வமான செயல்களை செய்ய முடியும்.
2. முருகப் பெருமான். அருள் தருபவர். முருகப் பெருமானின் அருள் இருந்தால் தான் எந்த காரியத்திலும் வெற்றி காண முடியும்.
3. சக்தி (அம்மன் ): நமக்கு, நமது எண்ணங்களுக்கு, செயல்களுக்கு சக்தி தேவை. இவற்றை அம்மன் தான் தருவார்.
4. நாராயணன்: காக்கும் கடவுளின் தயவு இல்லை என்றால், முடிந்து விடும் என நினைக்கும் காரியம் கடைசியில் தோல்வியில் தான் முடியும். மாய சக்தியினை முழுமையாக தான் காட்டு பாட்டில் வைத்திருப்பவர். தொர்க்கும் நிலையில் நிராயுதபாணியை கூட அறிவு பலத்தால் வெல்ல வைத்து விடுவார். எனவே, வாழ்க்கையில் வெற்றி பெற இவரின் தயவு தேவை. சிவபெருமான் கூட நாராயணனின் அவதாரங்களில் எமக்கு பிடித்த ராமனின் திரு நாமத்தை பக்தி சிரத்தையுடன் உச்சரிப்பவர்கள் எமக்கு பிடித்தமானவர்கள் என்று கூறுவதாக புராண கதைகள் கூறுகின்றன,
5. தன் கடமையை முழுமையாக பூர்த்தி செய்து, துறவு வாழ்க்கை வாழும் போது சிவ வழிபாடு செய்ய வேண்டும்.
மோசத்தை / முக்திக்கான வழி தெரியாமல் அவஸ்தை பட வேண்டாம். நாம், ஆலய வழிபாட்டினை, முறைப்படி செய்து, நமது பாவங்களை தொலைத்து, இல்லறத்தில் இருந்து கொண்டே, இறை பணியும், சிறிய குழந்தைகள், வயதான பெரியோர்கள், ஏழை எளியோர்களுக்கு நம்மால் ஆன தொண்டுகளை மனம் வெதும்பல் முகம் சுளிக்காமல் கடமையாக செய்து வரும் போது, நாராயணனும் அம்பாளும் இவர்களுக்கு ஏதாவது ஒரு ஆலயத்தில் அக மாயை, புற மாயை, மன மாயைகளை நீக்கி விடுவார்கள். கண நாதன் ஞானத்தினை அருளி, பிள்ளையார் சுழி போட்டு ஆரம்பித்து வைக்க, ஞானம் பெருக பெருக மற்றவர்களுடனான தொடர்புகளில் இருந்து விலகி தவம், மௌனமென ஆகி, இறை சிந்தனையோடிருந்து மோட்ச / முக்தி நிலை அடைவர்.