மோட்சம் / முக்தி - அடைந்தே ஆக வேண்டும் என்று இறைவனை வழிபடுவோர்கள் புலால் உணவை தவிர்க்க வேண்டும். கொழுப்புள்ள உணவு வகை, கோபம், எரிச்சல் உண்டாக்கும் உணவு வகைகள், மசாலா உணவு வகைகள், கொஞ்சம் கொஞ்சமாக தவிர்த்து, மேன்மை தரக்கூடிய இயற்கை உணவு வகைகளை புசிக்கவேண்டும் . துறவு நிலை வந்தவர்கள் மட்டுமே, காலை உணவு கூடாது. மதியம் பழ வகைகள், இரவில் பாலும் பழமும் மட்டுமே. ஆரம்ப துறவு நிலையில் உள்ளவர்கள், மதியான வேளையில், உணவு (சைவ உணவு - 2 வருடங்களுக்கு மிகாமல் ) உண்ணலாம்.
இவர்களின் துறவு வாழ்க்கைக்கு, பைரவர், கால பைரவர் வழி விட வேண்டும். பைரவர், கால பைரவர் துறவு வாழ்க்கைக்கு வழி விட சில வழிமுறைகளும், ஆலய வழிபாடுகளும் செய்ய வேண்டியுள்ளது.
இவர்களின் பேச்சுகள், மென்மையாக மீண்டும் மீண்டும் பார்த்து பேச வேண்டும் என்கிற உள்ள கிளர்ச்சி ஏற்படுத்தும். இவர்களை பார்ப்பதாலே பல நன்மைகள் கிடைத்த திருப்தி ஏற்படும். ஒரு உன்னதமான மகா புருஷர் என்கிற எண்ணம் மக்கள் மனதில் ஏற்படும். இவர்களின் உறக்க நேரம் 6 மணி நேரமே. மற்ற நேரங்களில் சும்மா இருப்பது போலிருந்தாலும், மனதில் தாரக மந்திரமோ, முருக மந்திரமோ, பஞ்சாட்சரமோ சொல்லிக்கொண்டிருப்பார்கள்.
இவர்களுக்கு, நாளடைவில் தனக்கு மோசமா / முக்தியா என்பது தெரியும். மோட்சம் என்பது வேறு. முக்தி என்பது வேறு.
துறவி நிலையிலே பல்வேறு நிலைகள் உள்ளன. ரிஷி, முனிவர், சாது, யோகி, தேவர் நிலை, விஷ்ணு நிலை, சக்தி நிலை, சிவநிலை என்று பல நிலைகள் உள்ளன. ஓம் சிவார்ப்பணம். எல்லாம் வல்ல என் குருநாதனின் திருவடி தொழுது இத்தலைப்பினை பூர்த்தி செய்கிறேன். நன்றி .வணக்கம்.

பாமரரும் புரிந்து நல்வழி நடக்க உதவும் வகையிலும் ஆன்மீகம் பற்றிய விபரங்களை யாவரும் புரிந்து அதன் படி நடக்கும் வகையில் கூறியது அருமை .