வெளியில் தெரியாத மனக்கறை...!

by **சரவணன்** Fri Jul 08, 2011 9:06 pm

தூசுகளும் அழுக்குகளும்
நிறைந்த இந்த உலகில்
ஆடையின் மீதும் உடல் மீதும்
கறைகள் படாமல் பார்த்துக் கொள்கிறேன்...

என் மீது படுகின்ற கறைகளை
போக்குவது பற்றிய கவலைகள்
தினம் தினம்..

உடல் அழுக்குகளை
போக்க வழிகள் அறிவேன்...

ஆடைக்கறைகள் அகற்ற
எத்தனை வ‌ழிமுறைகளை
பின்பற்ற முடியுமோ
அத்தனையும் பின்பற்றுகிறேன்...

என்னுடைய ஆடைகளில்
விடாத கறைபடுமாயின் அவைகள்
தலையணையிலே தஞ்சம் அடைகிறது...

எனக்கு தெரிந்தும்
எனக்கு தெரியாமலும்
நான் செய்யும் என்னுடைய தவறுகள்
மனதில் அழுக்காய் படிகிறது...

அதைப்பற்றி நான்ஒன்றும்
‌பெரியதாய் கவலைப் படுவதில்லை...

ஒருவேளை
மனதில் படிகிற கறை ‌
வெளியே தெரியாது என்பதலோ...!