பிரதமருக்குத் தெரியாமல் எத்வும் நடக்கவில்லை-ராஜா வாதம்

by **thaliranna** Mon Jul 25, 2011 10:18 pm

[url=thalirssb.blogspot.com/2011/07/blog-post_7902.html]செய்திகள்[/url]

டெல்லி, 25: ஸ்பெக்ட்ரம் ஒதுக்கீட்டு விவகாரத்தில் பிரதர் மன்மோகன்சிங்கிற்கு தெரியாமல் எதுவும் நடைபெறவில்லை என்று சிபிஐ சிறப்பு நீதிமன்றத்தில் ஆஜராகி வாதிட்ட ஆ.ராசா தெரிவித்துள்ளார். தற்போதையை உள்துறை அமைச்சரும், முன்னாள் நிதியமைச்சருமான ப.சிதம்பரம், தயாநிதி மாறன் ஆகியோரது பெயர்களையும் அவர் நீதிமன்றத்தில் குறிப்பிட்டார்.
2ஜி ஸ்பெக்ட்ரம் ஒதுக்கீடு ஊழலில் அரசுக்கு ரூ.1.76 லட்சம் கோடி இழப்பு ஏற்படுத்தப்பட்டது தொடர்பாக சி.பி.ஐ. விசாரணை நடத்தி வருகிறது.

[You must be registered and logged in to see this link.]

ஸ்பெக்ட்ரம் ஒதுக்கீட்டில் முறைகேடு செய்து பயன் அடைந்ததாக முன்னாள் மத்திய அமைச்சர் ஆ.ராசா, கனிமொழி எம்.பி., கலைஞர் தொலைக்காட்சி நிர்வாக இயக்குனர் சரத்குமார், சுவான் டெலிகாம் ஷாகி பல்வா, தொலை தொடர்புத் துறை முன்னாள் செயலாளர் சித்தார்த் பெகுரா உள்பட 14 பேர் கைது செய்யப்பட்டு டெல்லி திகார் சிறையில் அடைக்கப்பட்டுள்ளனர்.
இவர்கள் மீதான விசாரணை டெல்லியில் உள்ள சி.பி.ஐ. சிறப்பு நீதிமன்றத்தில் நடைபெற்று வருகிறது.
இந்நிலையில், சிபிஐ நீதிமன்றத்தில் தமக்காக இன்று ஆஜராகி வாதாடிய ஆ.ராசா கூறியதாவது:
ஸ்பெக்ட்ரம் ஒதுக்கீட்டில்1993ம் ஆண்டில் இருந்து தொலைத் தொடர்புத்துறை அமைச்சர்கள் பின்பற்றி வந்த நடைமுறைகளைத்தான் நானும் பின்பற்றி வந்தேன். அப்படி என்றால் அவர்கள் அனைவரையும் கைது செய்திருக்க வேண்டும்.
மேலும் முந்தைய தேசிய முற்போக்கு கூட்டணி ஆட்சியிலும் முதலில் வருபவர்களுக்கே முன்னுரிமை என்ற நடைமுறை பின்பற்றப்ட்டது.
அப்போதைய அமைச்சர் அருண்ஷோரி 26 உரிமங்களை வழங்கி உள்ளார். எனக்கு முன்னால் இருந்த தயாநிதி அமைச்சர் 25 உரிமங்களை வழங்கி உள்ளார். அவர்களில் யாரும் ஏலமுறையைப் பின்பற்றவில்லை. அதே நடைமுறையைப் பின்பற்றி நான் 122 உரிமங்களை வழங்கி உள்ளேன். இதில் நான் மட்டும் எப்படி குற்றவாளி ஆக முடியும்.
மேலும் ஸ்பெக்ட்ரம் ஒதுக்கீட்டில் பிரதமர் மன்மோகன் சிங்கிற்கு தெரியாமல் எதுவும் நடைபெறவில்லை.
யுனிடெக், டிபி ரியாலிட்டி நிறுவனங்களுக்கான பரிவர்த்தனைகள் அனைத்திற்கும் முன்பு நிதியமைச்சராக இருந்து ப.சிதம்பரம் ஒப்புதல் அளித்துள்ளார். மத்திய அமைச்சரவை ஒப்புதலுடன்தான் எல்லாம் நடைபெற்றது.
இந்த நாட்டில் ரிக்சா இழுப்பவர் முதல், வீட்டு வேலை செய்பவர் வரை, எளிய மக்கள் அனைவரும் செல்போனில் பேசும் நிலை இதனால் தான் எற்பட்டது. ஏல முறையைப் பின்பற்றி இருந்தால் அது சாத்தியமில்லை. எனவே ஸ்பெக்ட்ரம் ஒதுக்கீட்டில் நான் எந்த குற்றமும் செய்யவில்லை.
இவ்வாறு ஆ.ராசா வாதிட்டார்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பிரதமருக்குத் தெரியாமல் எத்வும் நடக்கவில்லை-ராஜா வாதம்

பிரதமருக்குத் தெரியாமல் எத்வும் நடக்கவில்லை-ராஜா வாதம்

Re: பிரதமருக்குத் தெரியாமல் எத்வும் நடக்கவில்லை-ராஜா வாதம்