வாகனங்கள், இயந்திரங்கள் இயங்குவதற்கு பெற்றோல் தேவை. ஆனால் சீனாவில் ஒரு மனிதனின் இயக்கத்துக்கும் பெற்றோல் தேவைப்படுகின்றது. இம்மனிதனின் பெயர் Chen Jejun. வயது 71. கல் அறுத்தல், நெசவு செய்தல் போன்ற தொழில்களை செய்பவர். தனிமையில் வாழ்கின்றார். இவர் மிகவும் விசித்திரமான பழக்கத்தை கொண்டு இருக்கின்றார். இவர் உடல் வலியை போக்குகின்றமைக்காக கடந்த 42 வருடங்களாக பெற்றோல் குடித்து வருகின்றார். மாதாந்தம் 3.5 லீற்றர் வரை குடிக்கின்றார். 1969 ஆம் ஆண்டில் இருந்து இப்பழக்கத்தை மேற்கொண்டு வருகின்றார். ஒரு முறை இவருக்கு இருமலுடன் கடுமையான வலி ஏற்பட்டு இருக்கின்றது. எந்த மருந்தும் குணப்படுத்தவில்லை. இவருக்கு காச நோய் ஏற்பட்டு இருக்கின்றது என்றும் பெற்றோல் குடிக்கின்ற பட்சத்தில் குணமாகி விடும் என்றும் ஊர்ப் பெரியவர்கள் சிலர் சொல்லி இருக்கின்றனர்.

முதல் தடவையாக ஒரு கோப்பை பெற்றோல் குடித்து இருக்கின்றார். வயிற்றுக்குள் ஏதோ ஒரு மாற்றத்தை உணர்ந்தார். படுக்கைக்கு செல்ல தீர்மானித்தார். நித்திரை கலைந்து ஒரு மணித்தியாலத்தால் எழுந்தபோது வலி குறைந்து இருந்தது என உணர்ந்தார். அன்றில் இருந்து வலி நிவாரணியாக பெற்றோல் குடித்து வருகின்றார். இவருக்கு எம்பிஸிமா என்கிற நோய்க்கான அறிகுறிகள் தென்பாட்டாலும் மிகவும் ஆரோக்கியமாக உள்ளார் என்று வைத்தியர்கள் தெரிவித்து உள்ளனர். இவருடைய உடலுக்கு பெற்றோலை ஏற்றுக் கொள்கின்றது, இல்லையென்றால் இறந்து போய் இருப்பார், ஆனால் இவருடைய வலியை பெற்றோல் குணப்படுத்தவில்லை, மாறாக மயக்க மருந்து போல செயல்படுகின்றது என வைத்திய நிபுணர் ஒருவர் விளக்கம் தந்து உள்ளார்.

மேலும் புதுமையான செய்திகளுக்கு:- புதிய உலகம்.கொம்

வினோதம் தான்