உயரமான பாதணி அணியும் பெண்களே கவனம்! ஆய்வு முடிவில் அதிர்ச்சித் தகவல்கள்

by **RAJABTHEEN** Thu Nov 11, 2010 3:30 am

[You must be registered and logged in to see this image.]உயரமான பாதணிகளை (High heels) அணிவது நவநாகரிகப் பெண்கள் மத்தியில் வாடிக்கையாகிவிட்ட ஒரு விடயம்.

ஆனால் அவ்வாறான பாதணிகளை அணிவதன் மூலம் வருடாந்தம் 30 லட்சம் பெண்கள் மருத்துவ சிகிச்சைகளைப் பெறவேண்டியுள்ளது என்பது தான் புதிய தகவல்.

இவ்வாறு உயரமான பாதணிகளை அணிவதன் மூலம் பெண்களின் பெருவிரல்களில் காயங்கள் ஏற்படுகின்றன. பாதத்தின் மூட்டுக்களும் பாதிக்கப்படுகின்றன. சில வேளைகளில் இடறிவிழுந்து பற்கள், முகத்தாடை என்பனவற்றையும் உடைத்துக் கொள்கின்றனர்.

இவ்வாறான பிரச்சினைகள் எவ்வளவு ஏற்பட்டாலும் சரி 60 வீதமான பெண்கள் தொடர்ந்தும் உயரமான பாதணிகளையே அணிய விரும்புகின்றனர். என்றும் அண்மையில் நடத்தப்பட்டுள்ள ஆய்வுகளின் முடிவுகள் தெரிவிக்கின்றன.

18 முதல் 65 வயது வரையான 3000 பெண்கள் மத்தியில் இந்த ஆய்வு நடத்தப்பட்டுள்ளது. இரவு நேரங்களில் உலா வருவதற்கு இத்தகைய பாதணிகள் வசதியாக இல்லை என்று இதில் 89 வீதமான பெண்கள் தெரிவித்துள்ளனர்.

61 வீதமான பெண்கள் இவ்வாறான பாதணிகளை அணிந்து கொண்டு மாலை நேரங்களில் ஒரே இடத்தில் நீண்ட நேரம் இருந்தவண்ணம் உள்ளனர் என்பதும் தெரியவந்துள்ளது.

உயரமான பாதணிகளை அணியாமல் திருப்தியடைவதாக இரண்டு வீதமான பெண்கள் மட்டுமே தெரிவித்துள்ளனர்.