[You must be registered and logged in to see this link.]“மாப்பிள்ளை”
படம் மூலம் தமிழில் அறிமுகமாகியவர் ஹன்சிகா மோத்வானி. அதைத் தொடர்ந்து
“எங்கேயும் காதல்” படத்தில் ஜெயம் ரவியுடன் நடித்தார். இப்போது இவர் நடித்த
“வேலாயுதம்”, “ஒரு கல் ஒரு கண்ணாடி” படங்கள் வெளிவரவுள்ளன.

மும்பையில் பிறந்த ஹன்சிகா மோத்வானி சிறுவயதிலேயே ஹிந்தி தொடர்களில்
நடித்துள்ளார். பின்னர் தெலுங்கில் கதாநாயகியாக நடித்தார். அதன் பின்னர்
இப்போது தமிழுக்கு வந்துள்ளார்.

அண்மையில் தான் இவர் தனது இருபதாவது பிறந்த நாளை கொண்டாடினார். அத்துடன் இவர் இதுவரை 20 குழந்தைகளை தத்தெடுத்துள்ளார்.

இவரது ஒவ்வொரு பிறந்த நாளிற்கும் குழந்தைகளை தத்தெடுத்து வருகிறார்
என்பது குறிப்பிடத்தக்கது. இவர் தனது 20 ஆவது பிறந்த நாளின் போது தான் 20
ஆவது குழந்தையைத் அண்மையில் தத்தெடுத்தார். திருமணமே ஆகாத இவருக்கு
குழந்தைகள் மேல் மிகுந்த ஆசையாம். இப்போது இவருக்கு தமிழ் குழந்தைகள் மேல்
ஆசை வந்துள்ளதாம்.

இது குறித்து ஹன்சிகா மோத்வானி கூறியதாவது…..

“எனது ஒவ்வொரு பிறந்தநாளுக்கும் ஒரு குழந்தையை தத்தெடுப்பது என்
அம்மாவின் வழக்கம். இப்போது 20 ஆவது வயதில் 20 ஆவது குழந்தையை
தத்தெடுத்திருக்கிறார்.

நாங்கள் தத்தெடுக்கும் குழந்தைகள் அவரவர் வீட்டில் வளர்வார்கள். ஆனால்
அந்தக் குழந்தைகள் தங்கள் சொந்தக் காலில் நிற்கும் வரை அவர்களுக்கான செலவு
எங்களுடையது.

இதுவரை மும்பை குழந்தைகளை தத்தெடுத்தோம். அடுத்து தமிழ் நாட்டுக் குழந்தையை தத்தெடுக்க ஆசைப்படுகிறோம்.

இதற்காக ஒரு டிரஸ்ட் தொடங்கி நிறைய குழந்தைகளை பராமரிக்கும் எண்ணம்
இருக்கிறது. காலம் கை கூடி வந்தால் இதை கண்டிப்பாக செய்வோம்”. என்றார்
ஹன்சிகா மோத்வானி.

ஹன்சிகா மோத்வானியின் இந்த நல்ல மனதிற்கு வாழ்த்துக்கள். இப்படி பல
நட்சத்திரங்களும் ஏழைக் குழந்தைகளுக்கு உதவி செய்யலாம். பார்ட்டி, டிஸ்கோ
என பணங்களை வீணடிக்காமல் இவ்வாறான நல்ல காரியங்களிற்கு பயன்படுத்தலாம்…..!

[You must be registered and logged in to see this image.]
-
இவரது தொண்டு மேலும் சிறக்க வாழ்த்துவோம்...

வாழ்த்துக்கள்