பிரித்தானியாவிலிருந்து நாடு
கடத்தப்படவிருந்த இலங்கைப் பெண்ணொருவர் தன்னைத்தானே கத்தியால் வெட்டி
துன்புறுத்திக் கொண்ட சம்பவமொன்று இன்று பிரித்தானியாவில்
இடம்பெற்றுள்ளது.

பிரித்தானிய எல்லைச் சேவை முகவர் அதிகாரிகள்
வோல்டன் பகுதியில் உள்ள புகலிடக் கோரிக்கையாளரான குறித்த பெண்ணின்
வீட்டிற்கு சென்றபோது குறித்த பெண் சமையலறைக்கு சென்று அதிகாரிகள் முன்
தன்னை தானெ வெட்டி காயப்படுத்திக் கொண்டுள்ளார்.

40 வயதான
குறிந்த பெண்ணின் கணவர் காணாமல் போயிருக்கும் அதேநேரம்
விடுதலைப்புலிகளுடனான சட்டவிரோத ஆயுத கடத்தலில் ஈடுபட்டவர் எனக்கூறி
அவருக்கு இலங்கையில் பிடியாணை பிறப்பிக்கப்பட்டிருந்ததாக
தெரிவிக்கப்படுகிறது.

குறித்த பெண்ணின் கணவன் காணாமல் போயிருந்த
போது அவர்களது வீட்டில் மறைத்து வைக்கப்பட்டிருந்த ஆயுதங்கள்
கண்டுபிடிக்கப்பட்டதை அடுத்து இவருக்கு எதிராக பிடியாணை
பிறப்பிக்கப்பட்டிருந்தது.

குறித்த பெண் 2009ம் ஆண்டு
பிரித்தானியாவில் தஞ்சம் புகுந்து பலமுறை அகதி அந்தஸ்து கோரிய போதும் அவை
அனைத்தும் நிராகரிக்கப்பட்டது. இவரால் முன்வைக்கப்பட்ட 3 கோரிக்கைகளும்
நிராகரிக்கப்பட்டன.

சம்பவத்தின் பின் குறித்த பெண்ணை
வைத்தியசாலையில் அனுமதித்த அவரது நண்பி தற்போது பாதிப்புக்குள்ளான
பெண்ணின் 3 வயது குழந்தையினை பராமரித்து வருவதாக தெரிவிக்கப்படுகிறது.


அதிகாரிகள் தன்னை அழைத்துச் சென்றுவிடுவார்கள் என்ற பயத்தில் என்ன
செய்வதென்று தெரியாது அவள் கைகளை கத்தியினால் கீறிக்கொண்டாள். எனக்கு
இலங்கை அரசியல் பற்றி ஏதும் தெரியாது ஆனால் படித்தும் கேட்டும் அறிந்து
கொண்டுள்ளேன், அங்கு அவளது பாதுகாப்புக்கு அச்சுறுத்தல் இருக்கும் என
எண்ணுகிறேன் என்று இச்சம்பவம் தொடர்பில் அவரது நண்பி கருத்து
தெரிவித்துள்ளார்.