அன்புள்ள இதயங்கள்..

by **அ.இராமநாதன்** Wed Aug 24, 2011 6:43 am

-

கருமேகம் கண்டு
களிநடம் புரியும் மயிலும்

இருளகற்றும் ஆதவனால்
முகம் மலரும் தாமரையும்

முழுமதியின் வரவால்
செவ்வல்லி இதழ் சிரிக்கும்

அன்புள்ளோர்
பன்னூறு தூரமிருப்பினும்
இதயங்கள் விட்டகலார்..!
-
===========================
>இறையடியான்
நன்றி: விவேகசிந்தாமணி – உரைப்பா

by **கவியருவி ம. ரமேஷ்** Wed Aug 24, 2011 9:32 am

அன்புள்ளோர்
பன்னூறு தூரமிருப்பினும்
இதயங்கள் விட்டகலார்..!
-- அப்பவேயா இப்படி ?

by **அ.இராமநாதன்** Thu Aug 25, 2011 5:42 pm

-
பாண்டிய நாட்டில் உள்ளது பிசிர் என்ற ஊர்.
ஆந்தையார் என்பது இவரது இயற்பெயர்.ஆதலால்
பிசிராந்தையார் என்று அழைக்கப்பெற்றார்.
இவர் சோழ மன்னன் கோப்பெருஞ்சோழன் மீது அன்பு
கொண்டு அவனைப் பற்றிய பாடல்களைப் பாடியுள்ளார்.
-
கோப்பெருஞ்சோழனின் தலைநகர் உறையூர். இம்மன்னன்
பிசிராந்தையாரை நேரில் காணாமலேயே அவருடன்
நட்புக் கொண்டவன்
-
இவ்வுலக வாழ்வைத் துறக்க விரும்பும் மன்னவர்
வடக்கிருந்து உயிர் விடுதல் அக்கால மரபு.
தன் மக்கள் மீது இருந்த மனக் கசப்பின் காரணமாக
கோப்பெருஞ்சோழனும் வடக்கிருந்தான்.
-
நட்பின் காரணமாக, இம்மன்னனுடன் தானும் வடக்கிருந்து
உயிர் நீத்தார் பிசிராந்தையார்...
-

பன்னூறு தூரமிருப்பினும் நட்பால் இணைந்தவர்கள் இவர்கள்...