முட்டாள் மாணவர் எவருமில்லை...

by **அ.இராமநாதன்** Mon Sep 05, 2011 5:29 pm

-

தொகையறா
முட்டாள் மாணவர் யாருமில்ல – எதுவும்
முடியாத பிள்ளைகள் எவருமில்ல

பல்லவி :
தெரிஞ்சிக்கணும் இத புரிஞ்சிக்கணும் – நம்ம
பிள்ளைகளின் படிப்ப பகிர்ந்துக்கணும்

சரணம் :
ஆசிரியர் என்பவுங்க யாரு? – அவுங்க
பள்ளியில் இருக்குற பெற்றோரு
பெற்றோரு என்பவுங்க யாரு? அவுங்க
வீட்டுல இருக்குற வாத்திமாரு (தெரிஞ்சிக்கணும்…

‘படிச்சுப் பாத்தேன் புரியலையே – பள்ளிப்
பாடம் மனசுல பதியலையே!
மதிப்பெண் எடுக்கத் தெரியலையே’ – என
மண்ட குழம்புது நம்ம புள்ள! (தெரிஞ்சிக்கணும்…

மதிப்பெண் எடுப்பது அவசியம்தான் – ஆனா
மதிப்பெண் மட்டுமே வாழ்க்கையில்லே
இருக்குற திறமைய புரிஞ்சிக்கணும் – அத
எப்படியும் வளர்க்க தெரிஞ்சிக்கணும் – (தெரிஞ்சிக்கணும்…

ஏ.ஆர்.ரகுமான் பத்தாவது போகல – அந்த
பில்கேட்ஸ் கூட பி.யூ சி.தாண்டல
டெண்டுல்கர் கூட டெண்த்த தாண்டல – ஆனா
வாழ்க்கையில் சரித்திரம் படைக்க மறக்கல (தெரிஞ்சிக்கணும்..

-
=======================================

இடுகையிட்டது MUTHU NILAVAN
நன்றி: [You must be registered and logged in to see this link.]
-
தமிழாசிரியர் முத்துநிலவனின் குறிப்பு;-

(தமிழ்நாடு அறிவியல் இயக்கமும் அனைவருக்கும்
ஆரம்பக்கல்வி இயக்கமும் இணைந்து புதிய கல்வி
பயிற்றுவித்தல் முறைகளை பொதுமக்களும் கிராமக்
கல்விக்குழு உறுப்பினர்களும் -ஆசிரியர்களும் கூட –
புரிந்துகொள்வது அவசியம் எனும் கருத்தினை
பிரச்சாரம் செய்ய நான் எழுதித் தந்த பாடல்.

கடந்த திசம்பர் மற்றும் ஜனவரி மாதங்களில் 150க்கு
மேற்பட்ட அறிவியல் இயக்கக் கலைக்குழுக்கள்
இதுபோன்ற பாடல்களுடன் நாடகங்களையும்
தமிழ்நாடு முழுவதும் நடத்தின. )