சிறிலங்கா இராணுவத்திற்கு வடக்கில் முகாம்கள் அமைக்கும் சீனா - அனலை நிதிஸ் ச. குமாரன்

சிறிலங்காவின் அயல்நாடான இந்தியாவின் பல எதிர்ப்புக்களையும் மீறி சீனாவுடன் இராணுவ மற்றும் வர்த்தக உறவுகளை மேம்படுத்த கங்கணம் கட்டி செயல்படுகின்றது சிறிலங்கா. பல பொருளாதார உதவிகளை சிறிலங்காவிற்கு கொடுத்துவரும் சீனா, யாழ் நகரப் பகுதிகளில் தனியார் கட்டடங்களில் நிலை கொண்டுள்ள சிறிலங்காவின் படையினரை வெளியேற்றி சீனாவின் உதவியுடன் நவீன படைமுகாம்களை அமைத்து தங்க வைக்க சிறிலங்கா சீனாவுடன் ஒப்பந்தம் செய்துள்ளது. சீனாவின் தலையீட்டை இந்தியா தொடர்ந்தும் அசட்டை செய்யப்போகின்றதா அல்லது சீனாவின் நடவடிக்கைகளை ஒடுக்க இந்தியா உருப்படியான காரியம் எதனையும் செய்யப்போகின்றதா என்பதை பொறுத்திருந்து தான் பார்க்க வேண்டும்.

யாழ். நகரப் பகுதியில் தனியார் கட்டடங்களில் நிலை கொண்டுள்ள படையினரை அங்கிருந்து வெளியேற்றுவதற்கான நடவடிக்கைகள் ஆரம்பிக்கப்பட்டுள்ளன என்று தகவல்கள் வருகின்றன. இதன் முதல் கட்டமாக தெரிவு செய்யப்பட்ட இடங்களில் சீன உதவியுடன் புதிய இராணுவ முகாம்களை அமைக்கும் பணிகள் முனைப்புப் பெற்றுள்ளன. இராணுவப் பலத்தை வடக்கு மற்றும் கிழக்குப் பகுதிகளில் தொடர்ந்தும் வைத்திருக்கவே சிறிலங்கா விரும்புகின்றது. இதன் வெளிப்பாடுதான் பல புதிய நவீன இராணுவ முகாம்களை அமைக்க எடுக்கப்பட்டிருக்கும் நடவடிக்கைகள்.

பலாலி இராணுவத் தலைமையக ஊடகப்பிரிவு சீனாவின் உதவியுடன் நிர்மானிக்கவிருக்கும் இராணுவ முகாம்கள் பற்றிய செய்தியை உறுதிப்படுத்தியுள்ளது. பலாலி இராணுவ ஊடகப்பிரிவு கூறியுள்ளதாவதுஇ “குடாநாட்டில் படையினர் தமது நிலைகளை வேறு இடங்களுக்கு இடம் மாற்றவிருக்கின்றனர். அவ்வாறு இடம்மாற்றப்படும் இடங்களில் தயார் நிலையில் உள்ள கட்டடங்களை அமைக்க சீனா உதவி வழங்குகின்றது...நகரில் உள்ள படைத்தலைமை முகாம்களும் விரைவில் மாற்றப்படவுள்ளன. இதற்கென புதிய முகாம்கள் அமைக்கப்படவுள்ளன. புதிய இடங்களில் முகாம்களையும் இராணுவக்குடியிருப்புக்களையும் அமைக்க சீனா உதவிகளை வழங்க முன்வந்துள்ளது."

பலாலி ஊடகப் பிரிவு மேலும் தெரிவிக்கையில், “வன்னியில் இராணுவத்தினருக்காக அமைக்கப்பட்டுள்ளது போன்ற ஆயத்த நிலைக் கட்டடங்களை புதிய முகாமில் அமைப்பதற்கு தேவையான மூலப் பொருள்களை சீனா வழங்கும். எனினும் எத்தனை புதிய முகாம்கள் அவ்வாறு அமைக்கப்படும் என்று இதுவரை முடிவு செய்யப்படவில்லை." சீனாவின் பங்களிப்பின் மூலமாக இராணுவ முகாம்களை அமைக்கும் செயல்பாடுகள் நிச்சயம் இந்தியாவின் தேசிய பாதுகாப்பு நலன்களுக்கு உகந்ததாக இருக்கப்போவதில்லை.

தனியார் இடங்களில் இருந்து வெளியேற்றப்படும் படையினரினால் யாருக்கு என்ன பலன்

பாதுகாப்பு வலையம் என்ற பெயரில் தமிழ் மக்களின் சொத்துக்களை முடக்கி இன்று உரிமையாளர்கள் யார் என்று கேட்குமளவு நிலை தமிழர் பிரதேசத்தில் உருவாகியுள்ளது. உரிமையாளர்களின் சட்டப் பத்திரங்கள் புலிகளால் எரியூட்டப்பட்டுவிட்டது என்றும் பல உரிமையாளர்கள் நாட்டை விட்டு ஓடி விட்டார்கள் என்றும் கூறி தம் வசம் இருக்கும் நிலங்களை சிங்களவர்களுக்கு தாரை வார்த்துக் கொடுக்க இருக்கின்றது சிங்கள இனவெறி அரசு.

சிங்களவர்களைக் குடியேற்றுவதனூடாக அவர்களின் பாதுகாப்பை உறுதிப்படுத்த தேவையானதே சிங்கள இராணுவத்தினரின் இருப்பு. புலிகளை அழித்து தமிழர்களுக்கு விடிவை பெற்றுத் தந்துவிட்டதாக தம்பட்டம் அடிக்கும் மகிந்த அரசு எதற்காக இராணுவத்தினரை மக்கள் குடியிருப்புப் பகுதிகளில் தங்கவைத்து இரவு பகல் ரோந்து நடவடிக்கைகளில் ஈடுபடுத்த வேண்டும். இந்நூற்றாண்டில் மனித நாகரிகமே கண்டிருக்க முடியாத பாரிய பேரவலத்தை தமிழர் தேசத்தின் மீது கொடுத்து, உலக நாடுகளின் வேண்டுதலை புறம்தள்ளிவிட்டு பல ஆயிரம் தமிழர்களை கொன்று அரக்க நிகழ்வையே நிகழ்த்திய அரசிடமிருந்தா தர்மத்தை எதிர்பார்க்க முடியும். அப்படி எதிர்பார்ப்பதும் மூட நம்பிக்கையே.

நவீன இராணுவ முகாம்களை அமைப்பதற்கும் மற்றும் சிங்களவர்களை குடியேற்றுவதற்கும் தேவையான கருவியே தனியார் நிலங்களில் இருந்து விலகுவதென்ற நாடகம். இப்படியான நிகழ்வுக்காகவேதான் கடந்த மாதங்களில் சிங்கள அரச படைகளின் பண பல உதவியுடன் யாழ் அனுப்பிவைக்கப்பட்ட சிங்களவர்கள். துரையப்பா விளையாட்டரங்கம் மற்றும் யாழ் புகையிரத நிலையத்தில் தங்கி மாபெரும் நாடகத்தயே இந்த சிங்கள குடியேற்றவாசிகள் நடத்தினார்கள். இங்கு தங்கியுள்ள சிங்களக் குடும்பங்களை தென்னிலங்கை அரசியல்வாதிகள் மற்றும் தென்னிலங்கை பௌத்த குருமாரும் பார்வையிட்டு அவர்களுக்கான உதவிகளைச் செய்துவந்துள்ள நிலையில் இவர்களைச் சந்தித்த மீள் குடியேற்ற அமைச்சர் மில்றோய் பெனான்டோ இவர்களைத் தங்கவைப்பதற்கான இடங்கள் ஆராயப்பட்டு வருவதாகவும் அதுவரை மூன்று மாதங்கள் அல்லது அதற்கு மேல் நிவாரண உதவிகள் வழங்கப்படுமென தெரிவித்திருந்தார் என்பது குறிப்பிடத்தக்கது.

யாழ் புகையிரத நிலையத்தில் தங்கியிருந்த சிங்களக் குடும்பங்களில் சுமார் 32 குடும்பங்கள் கடந்த செவ்வாய்க்கிழமை இரவு 9.30 மணியளவில் இராணுவப் பாதுகாப்புடன் நாவற்குழி குடியேற்றத்தில் மீள் குடியேற்றம் செய்யப்பட்டுள்ளனர். மீள் குடியேற்றம் செய்யப்பட்டமை தொடர்பில் யாழ் அரசாங்க அதிபருக்கோ யாழ்ப்பாணம், தென்மராட்சி பிரதேச செயலகங்களுக்கு எதுவித அறிவித்தல்களும் வழங்கப்படவில்லையென தெரிவித்துள்ளனர்.

சிங்களக் குடும்பங்கள் யாழ் புகையிரத நிலையத்தில் தங்கியிருந்தமை தொடர்பில் தமிழ் அரசியல்வாதிகள் முதற்கொண்டு புத்திஜீவிகள்வரை பல விசனங்களைத் தெரிவித்துள்ள நிலையில் இந்த மீள் குடியேற்றமானது திட்டமிட்டு செய்யப்பட்டதாக அரச சார்பற்ற நிறுவனப் பிரதிநிதி ஒருவர் தெரிவித்திருந்தார் என்பது குறிப்பிடத்தக்கது.

மீள் குடியேற்றம் செய்யப்பட்ட சிங்கள மக்கள் இப்பகுதியில் கொட்டகைகள் போடுவதில் மும்முரமாக செயற்பட்டு வருவதுடன் ஏற்கனவே இருந்த மக்களின் கொட்டகைக்கான மூலப்பொருட்களைப் பெற்றுக் கொண்டதாகவும் தெரிவிக்கப்படுகிறது. சிங்களக் குடும்பங்களின் மீள் குடியேற்றம் தொடர்பாக யாழ் அரசாங்க அதிபர் திருமதி இமெல்டா சுகுமாரிடம் கேட்டபோது இக்காணி வீடமைப்பு அபிவிருத்தி அதிகாரசபைக்கு சொந்தமான காணி எனவும் தனக்கு இதைப்பற்றி எதுவும் தெரியாது எனவும் அவர் தெரிவித்தார். ஆக சிங்கள அரசின் திட்டமிட்ட தமிழர்களின் தாயக பூமியில் சிங்களவர்களை குடியேற்றுவதனூடாக தமிழர்களின் நிலங்களை அபகரிக்க எடுக்கப்படும் நடவடிக்கை இது என்பதே உண்மை.

இதற்கிடையில் கடந்த சில வாரங்களுக்கு முன்னர் வந்த செய்திகளின்படி பாதுகாப்பு வலயப்பிரதேசங்களில் குடியிருப்பு மனைகள் கட்டும் பொருட்கள் குவிக்கப்பட்டு இருப்பதாகவும், சிங்கள மக்களை இப்பகுதிகளில் குடியேற்றுமுகமாகவே இப்பொருட்கள் கொண்டுவரப்பட்டுள்ளதாக அறியப்பட்டுள்ளது.

தனியார் கட்டடங்களில் இருந்தோ அல்லது தனியார் காணிகளில் இருந்தோ படையினர் வெளியேற்றப்பட்டு நவீனமுறையில் அமைக்கப்படும் புதிய இராணுவ தளங்களில் தங்கவைக்கப்படுவதான செய்திகளினால் நிச்சயம் தமிழர்கள் அதீத மகிழ்ச்சியடையத் தேவையில்லை. இச்செயற்பாடு