வடக்கில் சிவில் நிர்வாகத்தில் படையினரின் தலையீடு! முகாம்கள் அகற்றப்படுவது கட்டாயம்!- பொன்சேகா பரபரப்புப் பேட்டி

by **RAJABTHEEN** Fri May 25, 2012 12:51 pm

வடக்கு சிவில் நிர்வாகத்தில் இராணுவத்தினரின் தலையீடு
இருப்பதைத் தாம் ஏற்றுக்கொண்டுள்ள சரத் பொன்சேகா, அங்கு மீண்டும் ஒரு
கிளர்ச்சி ஏற்படாத வகையில் ஏற்பாடுகள் செய்யப்பட்டு அங்குள்ள படைமுகாம்கள்
படிப்படியாக அகற்றப்பட வேண்டும் என்றும் தெரிவித்துள்ளார்.
உதயன் பத்திரிகைக்கு வழங்கிய விசேட பேட்டி ஒன்றின்போது இவ்வாறு கருத்து வெளியிட்டபோதே அவர் மேற்கண்டவாறு குறிப்பிட்டுள்ளார்.

அவர் மேலும் கூறியவை வருமாறு:

சந்தேகத்தின் பேரில் கைதான இளைஞர்கள் விடுதலை செய்யப்பட வேண்டும். அவர்கள் தொடர்பில் விசாரணைகள் நடத்தப்பட வேண்டும்.

நான் இராணுவத்திலிருந்து ஓய்வு பெறுவதற்கு முன்னர், 2010 ம் ஆண்டுக்குள்
மீள் குடியேற்றத்தை எப்படி முடிப்பது என்பது பற்றியும் எந்தெந்த இடங்களில்
படைமுகாம்களை அகற்றுவது என்பது பற்றியும் தமிழ்மக்களை எதுவித
தொல்லைகளுமின்றி எப்படிக் குடியேற்றுவது என்பது தொடர்பிலும் திட்டங்களை
வகுத்திருந்தேன்.

அந்தத் திட்டங்களை அவர்கள் அப்போது வெறுத்தனர். ஆனால் 2012 அதாவது இன்று வரை இவர்களால் ஒன்று கூடச் செய்யமுடியாமல் போயுள்ளது.

வடக்கில் இராணுவ முகாம்கள் அகற்றப்பட வேண்டியது கட்டாயமாகும். இராணுவ
முகாம்களால் மக்களுக்கு சிரமங்கள் ஏற்படுமாயின் உண்மையில் அது
பிரச்சினைதான்.

அதேபோல், கிட்டத்தட்ட 12 ஆயிரம் முன்னாள் போராளிகளுக்கு நாம் புனர்வாழ்வளித்திருக்கிறோம் என கூறப்படுகின்றது.

ஆனால் அவர்களுக்குச் சரியான புனர்வாழ்வளிக்கப்பட்டதா? அவர்கள் மன
உளைச்சலுக்கு ஆளாகியுள்ளார்களா என்பதையும் பார்க்கவேண்டி இருக்கிறது.

மீண்டும் ஒரு கிளர்ச்சி ஏற்படாத வகையில் நடவடிக்கைகளை எடுத்த பின்னர் இராணுவ முகாம்களைப் படிப்படியாக அகற்றலாம்.

வடக்கில் சிவில் நிர்வாகத்தில் இராணுவத்தினரின் தலையீடு இருக்கிறது என்பதை நான் முழுமையாக ஏற்றுக் கொள்கிறேன்.

சிவில் நிர்வாகத்தில் இராணுவத்தினர் தலையிடக் கூடாது. அது முழுமையாக
நிறுத்தப்பட வேண்டும். இராணுவம் இராணுவத்தின் வேலையை மட்டும்தான்
செய்யவேண்டும்.

கடந்த மூன்று வருடங்களில் இராணுவத்தை இவர்கள் சிவில் நிர்வாகத்திலிருந்து விலக்கியிருக்கலாம்.

இப்போது இவர்களால் போடப்பட்டிருக்கும் அதிகாரிகள் கூட தகுதிவாய்ந்தவர்கள் அல்லர்.

அரசியல் அடிவருடிகளைத்தான் இவர்கள் நியமித்துள்ளனர். யாழ்ப்பாணத்தைப் பாருங்கள். இதுதான் நிலைமை.

கொள்கை இல்லாமல் போனால் இப்படித்தான் இருக்கும் என்றார்.

by **vinitha** Fri May 25, 2012 1:14 pm

[You must be registered and logged in to see this image.]nanrinka anna

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்