விரக தாபமா... இறையின் சாபமா...?

by **கலைவேந்தன்** Sun Sep 25, 2011 4:00 pm

[You must be registered and logged in to see this image.]

விரக தாபமா... இறையின் சாபமா...?

கொண்டமட்டும் தங்கங்கள்
அங்கமேல்லாம் மின்னிடும்

குறிப்பறீந்து சேவை செய்ய
கோடிசனம் ஓடிவரும்

கோகிலமாய்க் கவியிசைத்து
கீதங்கள் இசைத்திடுவர்...

பட்டுக்களும் பவளங்களும்
எட்டடுக்கு குவிந்திருக்கும்

துமியளவில் தலைவலியும்
துரத்திவிடத் தோழியர்கள்...

பத்துவகை உணவினுக்கு
பழவகைகள் ஒத்தூதும்..

ஓங்கிநிற்கும் மாளிகையில்
ஓடியாட இடமுண்டு...

பஞ்சனை தரும்சுகமோ
நெஞ்சினைக் கவ்விநிற்கும்..

எத்தனை இருந்தென்ன
ஏழுசொர்க்கம் சூழ்ந்தென்ன...?

தொட்டணைத்து மகிழ்ந்திடவும்
கட்டியணைத்து உறங்கிடவும்

கட்டிய கணவனோ
தாசியின் காலடியில்...!

by **manjubashini** Sun Sep 25, 2011 4:32 pm

எத்தனை அழகாக முத்தாய் கோர்த்த நிதர்சன வரிகள் கலை....

அக்காலத்தில் ராஜாவுக்கு பட்டமகிஷி என்று பெயருக்கு ஒரு ராணி இருப்பார்... ராஜா தன்னிஷ்டப்படி நிறைய திருமணம் செய்துக்கொள்வார் அதுவும் பேருக்கே.. அந்தபுரத்தில் அப்பெண்களின் நிலை எப்படி இருக்கும் என்று வோல் சே கங்கா படிக்கும்போது அறிந்தேன்....

தாசி என்ற பெயரில் கொண்டு வந்து அடைத்துவைத்து மன்னரின் விருப்பத்திற்கேற்ப ஆடலும் பாடலும் நடத்தி மன்னரை மகிழ்விக்கவேண்டி தாசியரின் வாழ்க்கை மன்னரின் காலடியில்...

இப்புறம் பட்டமகிஷி கணவனே கண்கண்ட தெய்வமாய் பூஜித்துக்கொண்டிருப்பார்... ஆனால் அவரோ ஏழு சொர்க்கமும் தாசியரின் ஆடல் பாடலில் கண்டுக்கொண்டிருப்பார்....

ராணி என்று பெயருக்கு இருந்துக்கொண்டு உணவும் ருசிக்காது கணவரின் அன்பு கிடைக்காது உறக்கம் வராது தன் வாழ்க்கை முழுதும் இப்படி ஒரு வெறுமையான வாழ்க்கை வாழ்ந்து விதி வந்தால் முடிந்து போகும் பெண்ணின் நிலை....

அதை மிக அழகான வரிகளில் அமைத்த விதம் சிறப்பு கலை....

தங்கங்கள் அங்கம் முழுதும் கொட்டிக்கிடந்தாலும் ம் என்ற குரலுக்கு சேவகம் செய்ய ஆயிரம் பேர் அருகிருந்தாலும் கணவன் அருகிலிருந்து அன்பு காமிப்பது போல் வருமா? தாயன்பை கணவன் தரமுடியும் ஆனால் கணவனின் அன்பை தாயாலும் தரமுடியாதே.... எத்தனை சோகவரிகள் இப்படி அழகான சிந்தனையுடன் முத்துமாலையாய் கோர்த்து ஓவியத்துக்கே ஒரு அழகு சேர்த்திருக்கிறாய் கலை....

அன்பு பாராட்டுக்கள் கலை...

by **கலைவேந்தன்** Mon Sep 26, 2011 3:02 am

விரிவான பின்னூட்டத்திற்கும் பாராட்டுக்கும் நன்றி மஞ்சு..!

by **கவியருவி ம. ரமேஷ்** Mon Sep 26, 2011 7:43 am

நவீன பெண்ணியத்திலிருந்து பார்க்கும் போது தங்களின் - manjubashini கருத்து மிகச் சரியாகவே இருக்ககிறது. ஆனால் அன்றையத் தமிழ்ச் சமூகத்தில் சங்கம், சங்கம் மருவிய காலத்தில் பரத்தமை ஒழுக்கமாகவும் இன்னும் சொல்லப்போனால் குழந்தைப் பேற்றிற்காகத் தேவையாகவும் இருந்து. ஏன் தேவையாக இருந்தது என்பதை நாளை பதிவுசெய்கிறேன்.