கீமா ஸ்பிரிங் ரோல்ஸ்

by **ஃபாயிஜாகாதர்** Thu Sep 29, 2011 6:31 pm

தேவையான பொருட்கள்:
மைதாமாவு - 1/2 கப்
கார்ண்ஃப்ளவர் - 1கப்
வெங்காயம் - 1/4 கிலோ
கீமா - 1/4கிலோ
இஞ்சீ பூண்டு பேஸ்ட் - 2ஸ்பூன்
மிளகாய்த்தூள்- 2ஸ்பூன்
மிளத்தூள் - 1ஸ்பூன்
தனியாத்தூள் - 1/2ஸ்பூன்
மஞ்சள்த்தூள் - 1/2 ஸ்பூன்
உருளைகிழங்கு - 1/4 கிலோ
உப்பு - தேவைக்கு
எண்ணெய் - பொறிக்க

செய்முறை:

கடாயில் எண்ணெய் ஊற்றி காயந்த பின்பு நறுக்கிய வெங்காயம், இஞ்சி பூண்டு பேஸ்ட்டு போட்டு வதக்கவும்.
பிறகு அதில் கீமா போட்டு வதக்கவும் மேலே சொன்ன மசாலாதூள்களை

போட்டு வதக்கவும். கீமா வேகும் வரை சிறுது தண்ணீர் ஊற்றி மூடி போட்டு வேகவிடவும்.
இதனுடன் வேகவைத்து மசித்த உருளைகிழங்கு சேர்த்து போட்டு வதக்கவும்.
மேலே கொத்தமல்லி தூவி சுண்ட வதக்கவும். தண்ணீர் இருக்க கூடாது.

மாவுகளை தோசைமாவுப் பதத்தில் உப்பு சேர்த்து கரைக்கவும்.
நான்ஸ்டிக் தோசைக்கல்லில் மெலிதான தோசைகளாக சுட்டு இருபுறமும் எண்ணெய் ஊற்றி சுட்டு எடுத்து தனியாக வைக்கவும்.
தோசை ஆறிய பின்பு படத்தில் இருப்பது போல் கீமா கலவையினை வைத்து சுருட்டவும்

ஓரங்கள் பிரியாமல் இருக்க காண்ஃப்ளவர் கரைசலை வைத்து ஓட்டவும்.
இதனை சூடான எண்ணெயில் பொறித்து எடுக்கவும்.
இதனை தக்காளி சாஸ், சில்லி சாஸ்ஸூடன் பரிமாறவும்