காதல் பேசி!

by **யுவாதமிழ்** Fri Sep 30, 2011 12:22 am

என் இடத்தை பிடித்துக்கொண்டு
உன் இதயத்தோடு ஒட்டி
உறவாடுவதை கண்டு
மனம் வாடிப்போகிறேன்
சிறு குழந்தையை போல்!

எந்நேரமும் உன் விரல்களோடு
கொஞ்சி விளையாடுவதை கண்டு
கனத்துப்போகிறது என் இதயம்!

என் மொழியை மட்டும்
உன்னோடு சேர்க்கத் துடிக்குதோ
இந்த சின்னஞ்சிறு இதயம்!

நம் செல்ல சண்டையில்
நீ எனக்கு பதில் சொல்ல மறுப்பதையும்
நீ என்னை விலகிச் செல்வதையும்
என்னிடம் சொல்லி சொல்லி
காயப்படுத்துகிறது!

அதன் செல்ல அழைப்பிணில்
நீ என்னை தேடுகிறாய்
என்று அறியவே
கண்கள் கலங்கிப்போகிறது
காதலில்!