பதவி கிடைச்சா ஒழுங்கா வேலைசெய்ய மாட்டேன்: ஹசாரே கருத்து

by jesudoss Mon Oct 03, 2011 12:19 pm

"அமைச்சராகவோ, எம்.பி., அல்லது எம்.எல்.ஏ.,வானால், என்னால் தற்போதைய வேலையை கவனிக்க முடியாது' என, சமூக ஆர்வலர் ஹசாரே தெரிவித்துள்ளார்.

இது குறித்து "டிவி' சேனல் ஒன்றுக்கு அவர் அளித்த பேட்டியின் போது குறிப்பிடுகையில், "மகாராஷ்டிர சட்டசபையின் குளிர்கால கூட்டத்தொடர் முடிந்தவுடன், அந்த மாநிலத்தில் லோக் ஆயுக்தா அமைப்பை உருவாக்கக் கோரி, உண்ணாவிரதப் போராட்டம் நடத்த உள்ளேன். மகாத்மா காந்திஜி, சுவாமி விவேகானந்தர் போன்றவர்களின் சிந்தனைகள் தான் எனக்கு ஊக்கமளிப்பவையாக உள்ளன. தேர்தலில் போட்டியிடும்படி, பலர் என்னை வற்புறுத்துகின்றனர். எனக்கு இது போன்ற பதவிகள் கிடைத்தால், தற்போதுள்ள வேலைகளை ஒழுங்காக செய்ய முடியாது. பொதுவாக எனக்கு எந்த பதவியின் மீதும் நாட்டம் கிடையாது' என்றார்.