ஒவ்வொரு நாளும்

by **அ.இராஜ்திலக்** Fri Oct 07, 2011 11:10 am

இன்று ஒரு கவிதை
எழுத முடியாத
நெருக்கடியான நிலையோ
முயற்சியின்மையோ

என்ன சொல்ல ?

நடைமுறை உலகத்தினை விட்டு
நழுவி போய்கொண்டிருக்கும்
என்னை எப்படி கூற ?

ஒவ்வொருவருடனும்
மொழிகளின் ஊடே
உணர்வுகளை பரிமாறி
கொள்வதற்காக

பொய்களையும் ,உண்மைகளையும்
சரிசமமாய் கலந்து பேசும்
சாதூரியமின்றி
விலகி கொள்கிறது
எனது தாழ்வு
மனப்பான்மை

இறுதியில்
நெருக்கி கொண்டு போய்
தனிமையில்
இருத்தி விடுகிறது

முன்னோர்களின்
இலக்கணத்தில்
எழுந்த செய்யுள்கள்
புரியவைக்கும்
மனித பிறவி பயனை.....

தொடர்பு விட்டு போன
உரைநடை உலகத்தில்
விளங்கி கொள்ளாமலே
பொருளின் பின்னால்
பொழுது போக்கி கொண்டு
இருக்கிறேன்

தூங்கி கழித்த பின்னும்
இன்னொரு பொழுது
காத்து கொண்டு இருக்கிறது
இன்னொரு ...........?