Facebook, Twitter ஐ கொள்ளையர்கள் எப்படிப் பயன்படுத்துகின்றனர்

பெரும்பாலான கொள்ளையர்கள் தமது இலக்குகளின் விவரங்களை Facebook மற்றும் Twitter ஆகிய இணையங்களிலிருந்துதான் எடுக்கின்றனர் என்கின்றது ஓர் ஆய்வு.

பலர் தொடர்ச்சியாகத் தமது செயற்பாடுகள்பற்றி இணையத்தில் வெளியிடுவதால் தம்மையறியாமலே இது கொள்ளையர்களுக்குப் பயனுள்ள தகவல்களைக் கொடுத்துவிடுகின்றது.

தாம் புதிதாகத் தொலைக்காட்சி வாங்கியுள்ளோம் என்பதுபோன்ற உயர்பெறுமதியான பொருட்களை வாங்கியது பற்றித் தெரிவிக்கும்போது அவை கொள்ளையருக்குப் பயனுள்ளவையாகிவிடுகின்றன.

இதைவிடவும் கூகிளின் Street View ஒருவரது வீட்டின் படங்களைக் காட்டுவதனால் கொள்ளையடிக்க வருபவர்கள் அங்குள்ள காவலர்கள், எச்சரிக்கை ஒலிகள் மற்றும் பக்கக் கதவுகள் போன்ற பாதுகாப்பு நிலவரங்களைப் பற்றி அறிந்துகொள்கின்றனர்.

சராசரியாக ஒரு திருடன் ஒரு வீட்டில் நுழைந்து ஒரு தடவையில் 487 பவுண் மதிப்புள்ள பொருட்களைத் திருடிச்செல்கின்றான் என்கின்றது ஆய்வு.

நாங்கள் தற்போது கணினிமயப்படுத்தப்பட்ட திருடர்களின் காலத்தில் இருப்பதாகவும் சமூகத் தளங்களை அவர்கள் பயன்படுத்தியே திருட்டுக்களை மேற்கொள்கின்றார்களென்றும் எச்சரிக்கின்றனர் ஆய்வாளர்கள்.