பயனாளர்களுக்கு Facebook விடுத்துள்ள அச்சுறுத்தல்

Facebook தனது பயனாளர்கள் வெளியேறிய பின்னரும் அவர்களைப் பின்தொடர்ந்து தகவல்களைக் களஞ்சியப்படுத்தி கண்காணிக்கின்றது என Facebook மீது விமர்சனம் எழுந்துள்ளது.

இச்சர்ச்சையினை அவுஸ்திரேலிய தொழிநுட்ப நிபுணர் ஒருவர் எழுப்பியுள்ளார்.

இவர் தான் Facebook இலிருந்து வெளியேறிய பின்னரும் அது cookies இனை இணைய உலாவிக்கு அனுப்பியதாக கூறியுள்ளார்.

இவ்வாறான cookies ஏனைய இணையத்தளங்களுக்கு ஒருவர் செல்வதைத் தடந்தொடரப் பயன்படுத்துபவை என அவர் கூறியுள்ளார்.

Cookies என்பவை ஏனைய செயற்பாடுகளைப் போலவே பயனாளர் விருப்பத்தெரிவுகளையும் ஒன்லைன் சந்தை அட்டைகளின் உள்ளடக்கங்களையும் களஞ்சியப்படுத்தி வைக்க இணையத்தளங்களால் பயன்படுத்தப்படும் சிறிய text கோவைகளாகும்.

பயனாளர்கள் இணையத்தளங்களைவிட்டு வெளியேறும்போது இவை அழிக்கப்பட்டுவிடுவது வழமை. ஆனால் Facebook இதனை அழிக்காமல் அவரது கணக்கு ID போன்ற சில தரவுகளை அப்படியே வைத்துக்கொண்டு சில மாற்றங்களை மட்டுமே செய்திருந்ததைக் கண்டார்.

இந்த தனித்துவமான அடையாளங்காணும் செயற்பாடு Facebook செயற்பாடுகளுடன் ஒன்றிணைக்கப்பட்டது.

அதாவது Like பொத்தானைப் பயன்படுத்தும் ஏனைய இணையத்தளங்களுக்குச் செல்லும் போது அவர்களைத் தடந்தொடரப் பயன்படுத்தப்படலாம் என்றார்.

எனினும் இதற்குப் பதிலளித்த Facebook பொறியியலாளர் ஒருவர் தாம் அவ்வாறு பயனாளர்களைத் தடந்தொடர இதனை வடிவமைக்கவில்லை என்பதனை மறுத்திருந்தார்.