குழந்தைகளின் பெயரில் இன்ஷுரன்ஸ் போடுவது கூடுமா?

by **RAJABTHEEN** Sun Nov 14, 2010 4:21 am

கேள்வி ; குழந்தைகளின் பெயரில் இன்ஷுரன்ஸ் போடுவது கூடுமா? அதில் கூடுதலாகத் தரும் வட்டிப் பணத்தை ஏழைகளுக்கு வழங்கலாமா?
பதில் ; இன்ஷுரன்ஸ் என்பது வட்டியை அடிப்படையாகக் கொண்ட தொழில். இதில் நாம் போடும் பணம் பல ஆண்டுகள் கழித்து, குறிப்பிட்ட சதவிகித்தில் வட்டியாக ஒரு கணிசமான பணத்தை தருகிறார்கள். இதில் வியாபாரத்தைப் போன்று லாபம், நஷ்டம் என்று இரண்டு வகை கிடையாது. எனவே வட்டியை அடிப்படையாகக் கொண்ட எதிலும் நாம் தொடர்பு வைத்திருக்கக் கூடாது.
வட்டியின் மூலம் சாப்பிடுபவன், வட்டிக்கு வாங்குபவன், அதற்குக் கணக்கு எழுதுபவன், அதற்கு சாட்சியாக இருக்கும் இருவர் ஆகியோரை நபி (ஸல்) அவர்கள் சபித்தார்கள்.
அறிவிப்பவர்: இப்னு மஸ்வூத் (ர)
நூல்: முஸ்ம் (3258)
நாம் போடும் பணம் பெரும்பாலும் வட்டிக்குக் கொடுக்கப்படுகிறது. அதில் வரும் லாபத்தில் தான் நமக்கும் ஒரு தொகையை தருகிறார்கள். எனவே இவ்வகையான விஷயங்களில் மூக்கை நுழைக்காமல் இருப்பதே சாலச் சிறந்தது. அதில் பணத்தைப் போட்டு விட்டு அதை ஏழைக்கு வழங்கலாம் என்பதும் ஒரு விதத்தில் இன்ஷுரன்ஸ் கம்பனிகளுக்கு உதவி செய்வதைப் போன்று தான். ஏனெனில் நம்முடைய பணமும் வட்டிக்கு விடப்படும்.
நன்மையிலும் இறையச்சத்திலும் ஒருவருக்கொருவர் உதவிக் கொள்ளுங்கள்! பாவத்திலும், வரம்பு மீறலும் ஒரு வருக்கொருவர் உதவிக் கொள்ளாதீர்கள்! அல்லாஹ்வை அஞ்சுங்கள்! அல்லாஹ் கடுமையாகத் தண்டிப்பவன். (அல்குர்ஆன் 5:2)
உங்கள் பணத்தை வியாபாரத்தில் போடுங்கள். அல்லது நிலத்தில் போடுங்கள். அல்லது வட்டியில்லா திட்டத்தில் சேமித்து வையுங்கள். இப்படிப் பல வழிகள் நம் பணத்தை சேமிக்க இருக்கும் போது வட்டித் தொழில் இருப்பவர்களிடம் கொடுப்பது முற்றிலும் பொருந்தாது.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குழந்தைகளின் பெயரில் இன்ஷுரன்ஸ் போடுவது கூடுமா?

குழந்தைகளின் பெயரில் இன்ஷுரன்ஸ் போடுவது கூடுமா?