வெற்றிக்கு ஒரு புத்தகம்: டைரி எழுதுங்கள்!

by **அ.இராமநாதன்** Thu Oct 13, 2011 8:04 pm

டைரி எழுதினால் பல நன்மைகள் உண்டு என்கிறது ஒரு
சுவாரஸ்யமான புத்தம் "ஜர்னல் டு தி செல்ஃப்'
(Journal To the Self ) என்ற அந்த புத்தகத்தின்
ஆசிரியர் கேதலின் ஆடம்ஸ்

தொடர்ச்சியாக "ஜர்னல்' அல்லது டைரி எழுதுவதன் மூலம்
நம்மை நாமே உணர்ந்துகொள்வதற்கான ஒரு நல்ல வாய்ப்புக்
கிடைக்கிறது என்கிறார் கேதலின் ஆடம்ஸ். இது ஒரு சுய அலசல்.
நமது குறைகளைத் தெரிந்து கொண்டு சரி செய்யலாம்.
முன்னேறலாம். பதற்றத்தில் யோசித்து தப்பை மீண்டும் செய்யாமல்
பார்த்துக்கொள்ளலாம்.

சரி, ஆனால் தினமும் எழுதுவது என்றால் விஷயம் தேறுமா?
சந்தேகமாக இருக்கிறதே?

பிரச்னையில்லை அதற்கும் இந்தப் புக்கமே அட்டகாசமான
யோசனைகளை அள்ளித் தருகிறது அவற்றிலிருந்து சில இங்கே.

"டைரிக்குப் பதில் ஒரு பெரிய காலண்டர் வாங்கிக்கொள்ளுங்கள்.
அதை உங்களுடைய அறையில் தொங்கவிடுங்கள். தினந்தோறும்
இரவு தூங்குவதற்கு முன்னால் அன்றைய தேதிக்குப் பக்கத்தில்
அந்த நாளைப் பற்றி ஒரே ஒரு வார்த்தைமட்டும் எழுதுங்கள்.

<<உதாரணமாக அட்டகாம்,போர்,வெறுப்பு, உற்சாகம், ஏமாற்றம்,
நத்திங்... இப்படி ஒரே ஒரு வார்த்தை போதும், ஆனால் அந்த
நாளைப் பற்றி நன்றாக யோசித்துவிட்டு எழுத வேண்டும்

இந்தக் குட்டி ஜர்னல் உங்களுடைய நேரத்தைத் தின்னாமல்
கொஞ்சம் கொஞ்சமாகப் பெரிய ஜனர்லுக்குள் இழுக்கும்

* இப்படித் தினமும் ஒரு வார்த்தை எழுதிப் பழகியபிறகு வாரம்
ஒருமுறை அந்த வாரத்துக்கு உரிய ஏழு வார்த்தைகளை அலசிப்
பாருங்கள், அவற்றை தொகுத்து ஒரு வரி எழுதுங்கள்,
இதேபோல் மாதம் ஒரு முறை ஒருபேரா, வருடம் ஒருமுறை
ஒருபக்கம்.. போதும் எவ்வளவு எழுதுகிறோம் என்பதைவிட
நம்மைப்பற்றி வருடம் முழுக்கத் தொடர்ந்து சிந்திக்கிறோம்
என்பதுதான் முக்கியம்.

* அடுத்தக்கட்டமாக நீங்கள் ஒரு நோட்டுப் புத்தகம் வாங்கிக்
கொள்ளுங்கள். ஒவ்வொரு நாளும் அன்றைக்கு நடந்த ஏதோ
ஒரு விஷயத்தை அதில் சுருக்கமாக எழுதுவது என்று வைத்துக்
கொள்ளுங்கள்.

உதாரணமாக, இன்று ஒரு குழந்தை பஸ்ஸில் ஐஸ் கீரிம்
தின்றுகொண்டிருந்ததைப் பார்த்தேன். சக ஊழியருக்கு ஆயிரம்
ரூபாய் கடன் கொடுத்தேன். இப்படி நாள்முடிவில் உங்களுக்கு
எது நினைவில் நிற்கிறதோ அதை மட்டும் எழுதுங்கள்.

கொஞ்சம் கொஞ்சமாக இரண்டு அல்லது மூன்று சம்பவங்களுக்கு
நகரலாம்.

* தினமும் நாம் எத்தனையோ புதியவர்களைப் பார்க்கிறோம்.
அவர்களில் ஒருவரைப் பற்றி ஜர்னல் எழுதுங்கள். அவருடைய
முகம் உடல் மொழி, உடைகள், பேசிய விதம், அவரைப் பற்றி
உங்களுடைய கணிப்பு என்ன? மீண்டும் சந்திக்க வாய்ப்பு உண்டா...
என்னவெல்லாம் தோன்றுகிறதோ எல்லாம் எழுதுங்கள் வருட
முடிவில் 365 கேரக்டர்களை உங்கள் ஜர்னலில் இருக்கும்!.

* அப்துல் கலாம் "'கனவு காணுங்கள்' என்றார். அதையே ஜர்னலில்
செய்யலாம் ஒவ்வொரு நாளும் உங்களுடைய ஒரு கற்பதையை
எழுதலாம். அது நிஜத்தில் நடக்கூடிய ஒன்றாக (நான் மேனேஜர்
ஆகவேண்டும், கார் வாங்கவேண்டும்) இருக்கலாம். பறக்கவேண்டும்,
மீண்டும் குழந்தையாக மாறவேண்டும் கூட இருக்கலாம்.

* செல்ஃபோன் கட்டணம் கண்டபடி குறைந்துவிட்ட இந்நாள்களில்
கடிதம் எழுதுவது பழக்கம் அருகிக்கொண்டிருக்கிறது. நாம் கொஞ்ம்
வித்தியாசமாக நமக்கு நாமே கடிதம் எழுதிக்கொண்டால் என்ன?
உதாரணமாக. அன்புள்ள எனக்கு நலம், நலமறிய ஆவல் இன்னிக்க
நீ உன் சம்சாரத்தோட சண்டை போட்டது எனக்கு கொஞ்சம்கூடப்
பிடிக்கலை. நீ எப்பதான் பொண்ணுங்க மனசைப் புரிஞ்சுக்கபோறியோ!..'
இந்த உத்திகளெல்லாம் மேலோட்டமாகப் பார்க்கும்போது விளையாட்டாகத்
தோன்றும் ஆனால் உண்மையில் நம்மை நாமே அலசிக் கொள்வது
ஒரு மிகச் சிறந்த பழக்கம். இது உங்கள் வாழ்க்கையை மாற்றும்
பழக்கம், பழகிப் பாருங்கள் தெரியும்.
-
============================================

-என்.சொக்கன்
நன்றி: குமுதம்

தேவையான பகிர்வு நல்ல பகிர்வு ஐயா வெற்றிக்கு ஒரு புத்தகம்: டைரி எழுதுங்கள்! 1956175960

by **தங்கை கலை** Thu Oct 13, 2011 9:36 pm

மீண்டும் குழந்தையாக மாறவேண்டும் சியர்ஸ்

..........
நல்ல இரூக்கு :héhé:

by **கலைநிலா** Thu Oct 13, 2011 11:19 pm

செல்ஃபோன் கட்டணம் கண்டபடி குறைந்துவிட்ட இந்நாள்களில்
கடிதம் எழுதுவது பழக்கம் அருகிக்கொண்டிருக்கிறது. நாம் கொஞ்ம்
வித்தியாசமாக நமக்கு நாமே கடிதம் எழுதிக்கொண்டால் என்ன?
உதாரணமாக. அன்புள்ள எனக்கு நலம், நலமறிய ஆவல் இன்னிக்க
நீ உன் சம்சாரத்தோட சண்டை போட்டது எனக்கு கொஞ்சம்கூடப்
பிடிக்கலை. நீ எப்பதான் பொண்ணுங்க மனசைப் புரிஞ்சுக்கபோறியோ!..'
இந்த உத்திகளெல்லாம் மேலோட்டமாகப் பார்க்கும்போது விளையாட்டாகத்
தோன்றும் ஆனால் உண்மையில் நம்மை நாமே அலசிக் கொள்வது
ஒரு மிகச் சிறந்த பழக்கம். இது உங்கள் வாழ்க்கையை மாற்றும்
பழக்கம், பழகிப் பாருங்கள் தெரியும்.

எனக்கு இதுபோல எண்ணமுண்டு ,அனுபபடாத கடிதங்கள் யென்ற தலைப்பில் ,நான் புகழ் பெற்ற நபர்களுக்கு ,கடிதம் எழுதியது உண்டு .

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வெற்றிக்கு ஒரு புத்தகம்: டைரி எழுதுங்கள்!

வெற்றிக்கு ஒரு புத்தகம்: டைரி எழுதுங்கள்!

Re: வெற்றிக்கு ஒரு புத்தகம்: டைரி எழுதுங்கள்!

Re: வெற்றிக்கு ஒரு புத்தகம்: டைரி எழுதுங்கள்!

Re: வெற்றிக்கு ஒரு புத்தகம்: டைரி எழுதுங்கள்!

Re: வெற்றிக்கு ஒரு புத்தகம்: டைரி எழுதுங்கள்!