தேவை கூடங்குளம் மின்சாரம்!

by **thaliranna** Fri Oct 14, 2011 6:56 pm

தேவை கூடங்குளம் மின்சாரம்!

ஏ.கோ.லட்சுமணன், புதுவையிலிருந்து
எழுதுகிறார்: "கூடங்குளம் அணுமின் நிலையத்தால், அங்கே வசிக்கும் மக்கள்
உயிருக்கு, அணுக்கதிர் வீச்சால் ஆபத்து' என, தடை விதிக்கும் படி
கேட்கின்றனர். அணுமின் நிலையத்திற்கு யுரேனியமும், கடல் நீரும் தேவை.
அதனால் தான், அணு உலைகள், கடலை ஒட்டி அமைக்கப்படுகின்றன. பராமரிப்பதும்
சுலபம். அணு மின் நிலையத்தில் உற்பத்தியாகும் மின்சாரம், நெடும் காலம்
தொடர்ச்சியாக கிடைக்கும். உற்பத்திச் செலவு குறைவு. அணுக் கதிர்களால் மனித
உயிர்களுக்கு ஆபத்து எனக் கூறும் இவர்கள், மற்ற வழிகளில் உயிர்களுக்கு
ஆபத்து ஏற்படுவதை உணர வேண்டும். அனல் மின்நிலையத்திலிருந்து வெளியேறும்
சாம்பலால், புற்றுநோய் ஏற்படுகிறது. புற்று நோய்க்கு பயந்தால், மின்சார
சுகம் கிடைக்குமா? மின்னல், இடி அபாயம், பாம்புகடி தாண்டி விவசாயி
பயிரிடுகிறான். வாகனங்கள் விடும் புகையும், போகி, பொங்கல் அன்று டயர்,
பாலிதீன் கழிவுகளை எரிக்கும் போது ஏற்படும் புகையும், ஓசோன் படலத்துக்கு
பகை. அதனால், ஓசோனில் ஓட்டை ஏற்பட்டு, சூரியனின் புற ஊதா கதிர்களால், மனித
உடலில் தோல்புற்று ஏற்படும். பற்ற வைத்த சிகரெட், கொசுவத்தியால் உண்டாகும்
புகையை சுவாசிக்கும் நமக்கு, நுரையீரல் புற்று உண்டாகிறது. ஆனால், அவைகளை
பற்ற வைக்காமல் இருக்கிறோமா? மதுபானங்களை குடிப்பதால், மண்ணீரல், கல்லீரல்
பாதிக்கப்படுகிறது. அதனால், மதுபான பாட்டில்களை திறக்காமல் இருக்கிறோமா?
மற்ற நாடுகள் நம்மை மதிக்க வேண்டுமெனில், மின்சாரத்தில் தன்னிறைவு
பெறவேண்டும். அதற்கு, அணுமின் நிலையம் சிறந்த வழி. "கோவில் இல்லா ஊரில்,
குடியிருக்க வேண்டாம்' என்பது, அன்றைய முதுமொழி. "மின்சாரம் தொடர்ச்சியாக
இல்லா ஊரில், மிருகங்கள் கூட வாழாது' என்பது இன்றைய புதுமொழி. கூடங்குளம்
அணு மின்நிலையம், மின் உற்பத்தி இல்லையேல், வேலை இல்லா திண்டாட்டத்தால்,
தமிழகம் இன்னொரு சோமாலியா கொள்ளையர்கள் கூடாரமாய் மாறிவிடும். இன்று, அணு
மின் நிலையம் இயங்கத் தடை கோரும் மிட்டா மிராசுகளும், அரசியல்வாதிகளும்,
மின்சாரம் தடைபட்டால், ஜெனரேட்டர் வைத்து, தங்கள் வீடுகளில் சுகமாக
வாழ்கின்றனர். ஆனால், சாமான்ய மக்களால், ஜெனரேட்டர் பயன்படுத்த முடியுமா?
அரசியல்வாதிகளின் வாக்குறுதியை நம்பி, ஓட்டுப் போடும் நாம், கூடங்குளம்
அணுமின் நிலையம் பாதுகாப்பு பற்றி, அரசின் வாக்குறுதிகளை நம்ப மறுப்பதேன்?
ஒரு வேலை கோழி பிரியாணியும், குவார்ட்டரும் கொடுக்காமல் கூறுவதால், நம்ப
மறுக்கிறோமோ! நம் நாடு வல்லரசாக வேண்டும் என்றால், தொடர் மின்சாரம் தேவை.
போராட்டக் குழுவை, தமிழக மக்களும், புதுச்சேரி மக்களும், பாராட்ட
வேண்டுமென்றால், கூடங்குளம் அணுமின் நிலையம், வெகு விரைவாக திறப்பு விழா
காண வேண்டும். கூடங்குளம் அணு மின் நிலையத்தால், தமிழகம் கூடுதல் வளம் காண, வழி செய்ய வேண்டும்.

நன்றி தினமலர்

டிஸ்கி} இந்த வாசகரின் கருத்தில் தவறேதும் இருப்பதாக தெரியவில்லை!
அறிவியல் ஆக்கவும்செய்யும் அழிக்கவும் செய்யும் ! அழிவுக்கு பயந்து
ஆக்கத்தை கைவிட்டால் வருங்காலம் ஏளனம் செய்யும். இதுவரை எதிர்க்காதவர்கள்
இன்று திடீரென எதிர்ப்பது ஏன்? இதனால் பாதிப்பு என்று எதை கூறுகிறார்கள்?
அரசின் உத்திரவாதத்தை ஏற்க மறுப்பது ஏன்? போன்ற கேள்விகள் எழுகின்றன.
முதல்வர் ஜெயலலிதாவும் போராட்டத்திற்கு ஆதரவு அளிப்பது ஆச்சர்யமாக உள்ளது.
ஏற்கனவே மின் பற்றாக்குறையில் தவிக்கும் தமிழகம் இத்திட்டத்தை கைவிட்டால்
மீள்வது எப்போது?

by **vinitha** Fri Oct 14, 2011 7:03 pm

by **தங்கை கலை** Fri Oct 14, 2011 7:14 pm

அண்ணா நீங்கள் சொல்வது உண்மை அண்ணா ...நமது பொருளாதாரம் ,வேலைவைப்பு எல்லாம் யுயரும் அண்ணா ...எனக்கும் அதில் உடன் பாடே///

அண்ணா சமீபத்திய அணு உலை விபத்தை தேறிந்திருப்பீர்கள் அண்ணா ,,அதன் பதிப்பு அவர்களுக்கு மட்டும் அல்லாமல் அவர்கள் சந்ததியை யும் பாதிக்கும் ...

நமக்கு எதுவும் அப்படி நடக்க கூடாது அண்ணா ,,, நடந்தால் அய்யூ ...

அண்ணா எனக்கு அணு உலை பட்டிய சிறிது நாலெட்ஜ் இருந்தாலும் என்னால் யுறுதியாக எதையும் முடியவில்லை ,,,

அணு யூலை வந்தால் நல்ல இருக்கும் ஆபத்து இன்றி ...

இயற்கை யை யாரால் அண்ணா காட்டு படுத்த முடியும் ....

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தேவை கூடங்குளம் மின்சாரம்!

தேவை கூடங்குளம் மின்சாரம்!

Re: தேவை கூடங்குளம் மின்சாரம்!

Re: தேவை கூடங்குளம் மின்சாரம்!

Re: தேவை கூடங்குளம் மின்சாரம்!