126 ரன்கள் வித்தியாசத்தில் இங்கிலாந்தை வீழ்த்தியது இந்தியா!

by **thaliranna** Sat Oct 15, 2011 5:52 pm

ஹைதராபாத்: இங்கிலாந்துக்கு எதிரான முதல் ஒருநாள் போட்டியில் இந்திய அணி
126 ரன்கள் வித்தியாசத்தில் வென்றது. இதன் மூலம் இந்திய அணியின் தொடர்
தோல்விக்கு ஒரு 'பிரேக்' கிடைத்துள்ளது!

ஹைதராபாதில் வெள்ளிக்கிழமை
நடைபெற்ற இப்போட்டியில் முதலில் பேட் செய்த இந்தியா 50 ஓவர்களில் 7
விக்கெட் இழப்புக்கு 300 ரன்கள் எடுத்தது. அடுத்து ஆடிய இங்கிலாந்து 36.1
ஓவர்களில் 174 ரன்களுக்கு அனைத்து விக்கெட்டுகளையும் இழந்து
தோல்வியடைந்தது.

கேப்டன் டோணி சிறப்பாக விளையாடி 70 பந்துகளில் 87 ரன்கள் எடுத்து, அணி வலுவான ஸ்கோரை எட்ட உதவினார்.

டாஸ் வென்ற இந்திய அணி முதலில் பேட் செய்யத் தீர்மானித்தது. பார்தீவ் படேல், ரஹானே ஆகியோர் தொடக்க வீரர்களாக களம் இறங்கினர்.

4-வது
ஓவரிலேயே 9 ரன்களில் பார்தீவ் எதிர்பாராதவிதமாக ரன் அவுட் ஆனார்.
தொடர்ந்து கம்பீர் களமிறங்கினார். மெதுவாக விளையாடிய ரஹானே 41 பந்துகளில்
15 ரன்கள் மட்டுமே எடுத்து வெளியேறினார்.

தொடர்ந்து கம்பீருடன் கோலி
ஜோடி சேர்ந்தார். இருவரும் நிதானமாக விளையாடி ரன் சேர்த்தனர். கம்பீர் 32
ரன்களுக்கு விக்கெட்டைப் பறிகொடுத்தார். அடுத்து களம் கண்ட ரெய்னா சிறப்பாக
விளையாடினார். இதனால் ஸ்கோர் உயரத் தொடங்கியது. இதனிடையே கோலி 37 ரன்களில்
அவுட் ஆனார். அப்போது இந்திய அணி 28.5 ஓவர்களில் 4 விக்கெட் இழப்புக்கு
மகிழ்ச்சி

ரன்கள் எடுத்திருந்தது.

விளாசிய ரெய்னா, டோணி

அடுத்து
ரெய்னாவுடன், கேப்டன் டோணி ஜோடி சேர்ந்தார். 52 பந்துகளில் ரெய்னா
அரைசதம் எடுத்தார். 61 ரன்கள் (2 சிக்ஸர்கள், 5 பவுண்டரிகள்)
எடுத்திருந்தபோது அவர் ஆட்டமிழந்தார்.

தொடர்ந்து வந்த ரவீந்திர ஜடேஜா ஓரளவு கைகொடுத்தார். அவர் 27 ரன்கள் எடுத்தார். அடுத்து வந்த அஸ்வின் 8 ரன்களில் ஆட்டமிழந்தார்.

ஆனால்
மறுமுனையில் தோணி அசராமல் ஆடினார். 48 பந்துகளில் டோணி 50 ரன்களை எட்டிய,
கடைசி 15 ஓவர்களில் மட்டும் இந்திய அணி 150 ரன்கள் குவிக்கக் காரணமாக
இருந்தார்.

50 ஓவர்கள் முடிவில் இந்தியா 7 விக்கெட் இழப்புக்கு 300
ரன்கள் எடுத்தது. டோணி 87 ரன்களுடன் கடைசி வரை ஆட்டமிழக்காமல் இருந்தார்.
10 பவுண்டரி, 1 சிக்ஸருடன் அவர் இந்த ரன்களை எடுத்தார்.

174 ரன்களில் சுருண்ட இங்கிலாந்து

301
ரன்கள் எடுத்தால் வெற்றி என்ற இலக்குடன் ஆட்டத்தைத் தொடங்கிய இங்கிலாந்து
சீக்கிரமே சுருண்டுவிட்டது. இங்கிலாந்து அணி கேப்டன் குக், கீஸ்வெட்டர்
ஆகியோர் தொடக்க வீரர்களாக களம் இறங்கினர். கீஸ்வெட்டர் 7 ரன்களில்
ஆட்டமிழந்தார். தொடர்ந்து பீட்டர்சன் 19, டிராட் 26, போபாரா 8, பெய்ர்ஸ்டவ்
8 என விக்கெட்டைப் பறிகொடுத்தனர்.

குக் மட்டும் நிலைத்து நின்று
விளையாடி 60 ரன்கள் எடுத்தார். மற்ற வீரர்கள் அனைவரும் சொற்ப ரன்களில்
வெளியேறியதால் 174 ரன்களில் இங்கிலாந்து சுருண்டது.

இந்திய அணியில் அஸ்வின், ஜடேஜா ஆகியோர் தலா 3 விக்கெட்டுகளை வீழ்த்தினர். உமேஷ் யாதவ் 2 விக்கெட்டுகளை எடுத்தார்.

இதன் மூலம் இந்திய அணியின் தொடர் தோல்விக்கு தற்காலிகமாக ஒரு பிரேக் கிடைத்துள்ளது.

ரசிகர்களுக்கு ஆர்வம் இல்லை

இந்த
போட்டிக்கு ரசிகர்கள் ஏராளமாகக் குவிவார்கள் என எதிர்ப்பார்க்கப்பட்டது.
ஆனால் ரசிகர்கள் வெகு சொற்பமாகவே வந்திருந்தனர். இந்திய அணி சமீபத்தில்
இங்கிலாந்திடம் பலத்த அடி வாங்கியதில் வெறுத்துப் போனவர்கள், கிரிக்கெட்
மைதானம் பக்கமே வர யோசிக்க ஆரம்பித்ததன் விளைவு இது என கிரிக்கெட்
வர்ணனையாளர்கள் தெரிவித்தனர்.