தசரதன் புத்திர பாக்கியம் வேண்டி யாகம் செய்து அதன் பிரசாதத்தைத் தன் மனைவிகளிடம் தந்த போது பட்டத்து ராணியான கெளசலையிடமிருந்த பிரசாதத்தில் சிறிதளவை ஒரு கழுகு கொத்திச் சென்று குழந்தை வரம் கேட்டுத் தவமிருந்த அஞ்சனையின் அருகில் இட - அது வாயு பகவானின் அருளால் அவளிடம் சேர்ந்தபோது சிவபெருமான் அவள் முன் தோன்றி அதை உண்ணும்படி பணித்தார். அஞ்சனை அதனை உண்டதன் பலனாக அனுமன் அவதரித்தார்

புத்திரகாமேஷ்டி யாகத்தினால் தசரத சக்ரவர்த்தித் திருமகனாக ராமபிரான் அவதரித்தார்.ஒரு நாள் விளையாடுவதற்காக அவர் அரண்மனையிலிருந்து வெளியே வந்த போது அழகிய குரங்குடன் குரங்காட்டி உடுக்கை அடித்துக் கொண்டே வேடிக்கை காட்டியதை தன் சகோதரர்களுடன் கண்டு களித்தார் பகவானை மகிழ்விக்க ஹனுமன் உருவில் வந்த சிவபெருமான் அல்லவா அந்த குரங்கு!
ராமரின் பால லீலைகளைப் பார்க்க ஒரு நாள் ஜோதிடனாகி ராமனின் கையைப் பிடித்துப் பார்த்தவராயிற்றே!மறுநாள் துறவியாக மாறி ஆசீர்வதமும் செய்துவிட்டார்.

ஆனாலும் ராமபிரானைப் பிரிய மனமில்லாமல் ஆட்டுவிக்கும் குரங்காட்டியாகவும், ஆடுகின்ற குரங்கும் தானேயாகி வந்துவிட்டார்.

குரங்கு தனக்கு வேண்டுமென தந்தை தசரத சக்ரவர்த்தியிடம் பிடிவாதம்செய்தார்.
குரங்குக்குப்பதிலாக குரங்காட்டி விரும்பும் அளவு பணம் கொடுத்து, குழந்தை ராமரிடம் குரங்கைக் கொடுத்துச் செல்ல ஆணையிட்டார்.
தன்னையே பிரபுவின் சரணாரவிந்தத்தில் அர்ப்பணிக்க வந்த அந்த குரங்கை ராமபிரான் தன் கரங்களால் அன்புடன் பற்றிக் கொண்டார்.

இத்தனை நேரம் தானே தன்னை ஆட்டுவித்துக் கொண்டிருந்த குரங்கு இப்போது ஆட்டுவிப்பவன் ராமனாகவும் ஆடுகின்றவன் தானாகவும் நெடுங்கால ஆசை பூர்த்தி அடைந்ததாயிற்று.அளவு கடந்த ஆனந்தத்துடன் ஆடலாயிற்று.

குரங்காட்டி குரங்கினுள் மறைந்தானோ? அல்லது தனது காரியத்தை நிறைவேற்றிவிட்டு கைலாயம் தான் சென்றாரோ?? யாருக்குத் தெரியும்??

பகிர்வுக்கு நன்றி நண்பரே படைப்புகளை அந்த அந்த தலைப்பின் கீழ் ப்திவிட்டால் இன்னும் சிறப்பாக இருக்கும்

தலைப்புகள் எங்கே? தேடிப்பார்த்தேன் கிடைக்கவைல்லை.
அறிமுகம என்ன விவரங்கள் எங்கே தர னேண்டும்?
ஒன்றும் தெளிவாக இல்லை.

முகப்பு பகுதியை சுட்டுங்கள் தலைப்புகள் தெரிய வரும்