காஞ்சியில் உள்ள அட்டபுயகரம் என்ற திவ்யதேசத் திலோ பெருமாள் எட்டு கரங்களு டன் நின்ற கோலத்தில் காட்சியளிப்பதைத் தரிசிக்க லாம். இவரின் வலக்கரங்களில் சக்கரம், வாள், மலர், அம்பு ஆகியவற்றையும்; இடக்கரங்களில் சங்கு, வில், கேடயம். தண்டாயுதம் ஏந்தியும் காட்சியளிக்கி றார். இதுபோன்ற காட்சியை வேறெந்த திருக் கோவிலிலும் காண முடியாது. பொதுவாக சக்கரத்தாழ்வார்தான் 4, 8, 16 கரங்களுடன் காட்சியளிப்பார். எட்டு கரங்களுடன் காட்சியளிக்கும் இப்பெருமாளுக்கு சக்கரதரர் என்ற திருநாமமும் உண்டு. எட்டு கரங்க ளுடன் விளங்குவதால் இவர் அட்டபுய கரத்தான் என்றழைக்கப்படுகிறார்.

முன்னதாக இத்தலத்தில் ஆதிகேசவன் என்ற திருநாமத்துடன் இவர் எழுந் தருளியிருந்ததாகவும்; திருமங்கையாழ்வார் இவரைத் தரிசித்தபோது, இவரின் வித்தியாச மான அமைப்பைக் கண்டு, "நீவிர் யார்?' என்று கேட்க, பெருமா னும், "அட்டபுய கரத் தான்' என்று பதில் கூறியதாகவும்; அன்று முதல் அப்பெயரா லேயே இப்பெருமாள் காட்சியளித்து வருவ தாகவும் செய்திகள் உண்டு.

கஜேந்திர மோட்ச வைபவம் இங்கு நடந்த தாகவும், அதனால் இங்குள்ள திருக்குளத் திற்கு கஜேந்திர புஷ்க ரணி என்று பெயர் வந்ததாகவும் சொல்வர். மேலும் இப்பெருமா ளின் சந்நிதியில் கருடாரூடராக ஒரு பெருமாள் காட்சியளிக்கிறார். இது மேற்படி வைபவம் இங்கு நடந்தமைக்குச் சாட்சியாய் விளங்குகிறது என்பர்.

இத்திருக்கோவிலில் உற்சவமூர்த்தி சதுர்புஜம், அபய ஹஸ்தம் கொண்டு, இடக்கரத்தில் கதை யைத் தாங்கிய வண்ணம் ஸ்ரீதேவி- பூதேவியரு டன் காட்சியளிக்கிறார். தவிரவும் தனிக்கோவிலில் தாயாரான புஷ்பவல்லி வரப்பிரசாதியாகத் திகழ்கிறாள்.

மேலும் வராகப் பெருமான் தனிச் சந்நிதியில் காட்சியளிக்க, திருமதி வைஜெயந்திமாலா திருக்கோவிலுக்குச் சமர்ப்பித்த ராமபிரானும் கலையம்சம் கொண்டவராகக் காட்சி தருகிறார். அனைத்து ஆழ்வார்களும் ஆசார்யப் பெருமக்களும் காட்சியளிக்கும் இத்தலத்தில் ஆண்டாள், அனுமன் சந்நிதிகளும் அமைந்துள்ளன.

தினம் தினம் திருவிழா காணும் தலமாக விளங்கும் இத்தலம் பரிகாரத்தலமாகவும், பிரார்த்தனைத் தலமாகவும் விளங்கி வருகிறது. இங்கும் துலாபாரப் பிரார்த்தனை செய்ய வசதி உள்ளது.

காஞ்சியம்பதியிலுள்ள 14 திவ்யதேசங்களில் இங்கு மட்டுமே வைகுண்ட ஏகாதசிக்கு சுவர்க்க வாசல் அமைந்துள்ளது தனிச்சிறப்பு.

அவசர உதவிக்கு அருளும் அருளாளன் என்று இப்பெருமாளை சுவாமி தேசிகன் தன் அஷ்ட புஜாஷ்டகத்தில் போற்றுகிறார்.