அவள் விழியும் எனது பார்வையும்..

by பி.அமல்ராஜ் Sat Oct 22, 2011 1:33 pm

கடல் குளித்து வந்தவன்
இந்த முத்தை
என் வீதியில்
தவறி போயிருக்கவேண்டும்..

சந்தேகமே இல்லை.
இவள்தான்
படைத்திருக்க வேண்டும்
பிரமனை.

அவள்
விளித்ததில்
விழுந்தவன் - இன்னும்
முளித்ததாய் இல்லை.

என்
விழிகளில் கிடக்கும்
அவள்
விம்பங்களை விலக்கியபடி
எத்தனை நாள் - அவளை
கனவிலே முத்தமிட்டுக்கொள்வது..??

அவள்
வந்துபோகும் கனவுக்கும்
கற்பிருக்கவேண்டும் -
அதிகம் வெட்கப்படுகிறதே..

அவளைப்பார்த்ததில்
சுட்ட இரத்தம் - இன்னும்
சூடாறவில்லை
சூடேற்றுவதை தவிர..

வலிந்து இழுத்த
அவள் பார்வை
இன்னும் என்
வலது சோணை அறையில்
வற்றாத குருதியை
வடித்து குடித்து
விரதம் கிடக்கிறதே..

என்னமோ
அவள்
உருண்டை விழிகளுக்குள்
பிரண்ட பார்வை
அங்கேயே
உருள்கிறதே தவிர - அங்கிருந்து
விலகுவதாய் இல்லை.

அருமையான வரிகள் பாராட்டுக்கள் நண்பரே... உங்களின் முதல் பதிவே அட்டகாசமா இருக்கு... உங்களை புதுமுகம் ஒரு அறிமுகம் பகுதியில் அறிமுகம் செய்யுங்களேன்... தொடர்ந்து பூக்க விடுங்க உங்களின் நறுமணப் பூக்களை நமது தோட்டத்தில்

by **அ.இராமநாதன்** Sat Oct 22, 2011 1:37 pm

[You must be registered and logged in to see this link.]
-
[You must be registered and logged in to see this image.]

by **அ.இராஜ்திலக்** Sat Oct 22, 2011 1:41 pm

மிகவும் அருமையான பதிவு.
வாழ்த்துக்கள் தொடர்ந்து தங்களது எண்ணம் சிறக்கட்டும் தங்களது ஆக்கங்கலினூடே
அவள்
விளித்ததில்
விழுந்தவன் - இன்னும்
முளித்ததாய் இல்லை. இதுபோன்ற எழுத்துபிழைகளை கவனித்து பதியவும்