போய் திரும்பிவிடலாம்

by **அ.இராஜ்திலக்** Mon Oct 24, 2011 11:24 am

புகைகள் பெருக்கும்
பேருந்து நெருக்கமற்ற
புழுதிகள் நிரம்பிய
கிரமாமமே
உன்னை
தேடிவருகிறேன்

வருடங்களுக்கு சிலமுறை
மட்டுமே
எனக்காக நீ
காத்திருக்கும்
வழக்கத்தை வாழ்க்கையாக்கி
கொண்டது
எனது சிறு கோபம்தான்

ஐப்பசி மாத
தொடக்கத்தில்
எந்த பறவை கூடுகட்டி
குஞ்சு பொரிக்கும்
என்பதையும் மறந்தவன்
சூர முட்புதர்களுக்கு
அருகில்
எனது புத்தாடையை
சிக்க வைத்து கொள்ள போகிறேன்.

நறுளியினை பிய்த்து
மூங்கில் படல்களால்
மாங்கன்றுகளுக்கு வேலியமைத்தவன்
பட்டுப்போன
அதன் இடத்தை தொட்டு
பார்க்க போகிறனே ?

கிணறு தூர்ந்து போன
குழியில்
கரிசாலை பூக்கள்
உதிக்கும் வெண்மை சிரிப்பிற்கு
ஈடாக
எப்படி சிரிக்க போகிறேன் ?

உறவுகளினை சொல்லி
அன்பினை நிரப்பிகொண்டிருக்கும்
சொந்த கிராமத்தில்
ஒவ்வொரு வீட்டிற்கும்
நான் நாலமாக இருக்கிறேன்
என்று சொன்னால் கூட
ஒரு வாரம் பத்தாதே

படித்ததற்காக பிரிந்தவன்
பணத்திற்காக பாடுபட்டவன்
அனுபவத்தின் தலைமுறைக்கு
அர்த்தம் என்ன சொல்லுவது ?

விளைச்சளில்லாத வயல்களாக
இருந்தனவா ?

நான் தின்று வளர்ந்த
சோற்றின் செரிமானம்
கேள்வி கேட்க போவதில்லை

விவசாயத்தை மதிக்க
தெரியாதவனென்று
அறுவடை களங்கள்
அறிவுரை சொல்ல போவதில்லை?

மௌனமாய் என்ன சொல்ல
போகிறேன் அங்கு .

by **கலைநிலா** Mon Oct 24, 2011 11:47 am

மண்வாசனை ,தொடரட்டும் , :héhé: :héhé:

by **கவியருவி ம. ரமேஷ்** Mon Oct 24, 2011 11:49 am

உறவுகளினை சொல்லி
அன்பினை நிரப்பிகொண்டிருக்கும்
சொந்த கிராமத்தில்
ஒவ்வொரு வீட்டிற்கும்
நான் நாலமாக இருக்கிறேன்
என்று சொன்னால் கூட
ஒரு வாரம் பத்தாதே
- உண்மைதான் அ.இராஜ்திலக்
நன்றாக இருக்கிறது. பாராட்டுகள்...

சூர முட்புதர்களுக்கு
அருகில்
எனது புத்தாடையை
சிக்க வைத்து கொள்ள போகிறேன்.
- அட என்னுடைய நிலையை அப்படியே பதிவு செய்துள்ளீர்கள்
சூர (முட்புதரில் நுழைந்து) பழம் சாப்பிடும் பழக்கம் தங்களுக்கு இப்போதும் இருக்கிறதா?

அப்படியே சொத்தை கௌக்காய் உஞ்சில் பழம் இப்படிப் பல பழங்களை சாப்பிட்ட பழக்கம் தங்களுக்கு இப்போதும் இருக்கிறதா?

எனக்கு இருக்கிறது

by **தங்கை கலை** Mon Oct 24, 2011 12:41 pm

:héhé: :héhé: :héhé:

by **சிசு** Mon Oct 24, 2011 1:20 pm

//ஐப்பசி மாத தொடக்கத்தில்
எந்த பறவை கூடுகட்டி குஞ்சு பொரிக்கும்
என்பதையும் மறந்தவன்
சூர முட்புதர்களுக்கு அருகில்
எனது புத்தாடையை சிக்க வைத்து கொள்ள போகிறேன்.//

Classic...
கேள்விக்குறிகள் ஒவ்வொன்றும் குத்தீட்டியாய் இருக்கிறது.

//அனுபவத்தின் தலைமுறைக்கு
அர்த்தம் என்ன சொல்லுவது ?//

நெருஞ்சிமுள்....

போய் திரும்பிவிடலாம் - மனசாட்சியை அடகு வைத்துவிட்டு...

அருமையான பதிவு ராஜ்திலக்.

அருமையான படைப்பு பகிர்வுக்கு நன்றி நண்பரே

by **அ.இராஜ்திலக்** Mon Oct 24, 2011 4:56 pm

ம் சூர பழம் , கார பழம் ,கொழுஞ்சி , கலா , நாவல் , சப்பாத்தி பழம் ,ஆறுமுக கள்ளி போன்ற பழங்களையும் தங்கையுடனும் தம்பியுடனும் சோம்பேறியா கடன்வாங்கி சாப்பிட்ட அனுபவம் உண்டு. இன்னொரு கவிதையில் அந்த அநுபவத்தை பகிர்ந்து கொள்கிறேன். நன்றி அனைத்து பின்னோட்டம் தந்த அன்பு உள்ளங்களுக்கும்.

[You must be registered and logged in to see this image.]

by **muthuselvi** Mon Oct 24, 2011 5:08 pm

அருமயான உண்மை வரிகள்....

by **thaliranna** Mon Oct 24, 2011 9:35 pm

அருமையான படைப்பு ராஜ்! பாராட்டுக்கள்! [You must be registered and logged in to see this image.]

by **அ.இராஜ்திலக்** Fri Oct 28, 2011 4:28 pm

தங்களது பின்னூட்டம் மிகுந்த மகிழ்ச்சி அளிக்கிறது.இவையாவும் எனது உண்மை அனுபவம்.

by **தமிழ்1981** Fri Oct 28, 2011 5:49 pm

வணக்கம் நண்பரே,

அருமையான படைப்பு !!! பாராட்டுக்கள்... [You must be registered and logged in to see this image.] ....... இழந்து போனதை மீண்டும் தங்கள் கவிதை நினைவுப்படுதியது நண்பரே...... மிகவும் அருமையான கவிதை...... வாழ்வின் பல கேள்விகளுக்கு நம்மால் பதில் சொல்ல முடிவதில்லை..
"படித்ததற்காக பிரிந்தவன்
பணத்திற்காக பாடுபட்டவன்
அனுபவத்தின் தலைமுறைக்கு
அர்த்தம் என்ன சொல்லுவது ? [You must be registered and logged in to see this image.]

by **அ.இராஜ்திலக்** Fri Oct 28, 2011 6:19 pm

தங்களது பின்னூடத்திற்கு மிக்க மகிழ்ச்சி
இது எனது அநுபவம்தான் . அதை கூறவதும் வருத்தம் கலந்த மகிழ்ச்சியே!

by **அ.இராமநாதன்** Fri Oct 28, 2011 6:28 pm

கிரமாமமே என்பதை கிராமமே என திருத்துக...
-
நான் நாலமாக இருக்கிறேன் என்பது நலமாக என
இருக்க வேண்டும்..
-
கவிதை நல்லா இருக்கு...

திருத்தம் செய்துள்ளேன் ஐயா

by **vinitha** Fri Oct 28, 2011 10:47 pm

by **அ.இராஜ்திலக்** Sat Oct 29, 2011 11:50 am

தெள்ளு தமிழில் சொல்லும் கவிதைக்கு உரியவனாகவே விருப்பம். இதில்
கவனக்குறைவால் எழும்பிழைகளை சுட்டிக்காட்டி திருத்தியமைக்கு நன்றி

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

போய் திரும்பிவிடலாம்

போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

வணக்கம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்

Re: போய் திரும்பிவிடலாம்