தமக்கு நம்பிக்கைக்குரிய பொருளாதார ஆலோசகர்களின் ஆலோசனைகளை மட்டும் உள்ளடக்கி இலங்கை ஜனாதிபதி மகிந்தவும் அவரது சகோதரர்களும் உண்மையாக பொருளாதார முடிவுகளை எடுக்கின்றனர்.

இவ்வாறு கொழும்பில் உள்ள அமெரிக்கத் தூதரகம் வாசிங்டனுக்கு அனுப்பிய கேபிள் இரகசிய தபாலை விக்கிலீக்ஸ் சசிய விட்டுள்ளது. அத்துடன் இவர்களுடன் நெருங்கிய தொடர்புகளைப் பேணும் சில வர்த்தகத் தலைவர்களும், புத்திஜீவிகளும் இவர்கள் எடுக்கும் பொருளாதார முடிவுகள் சரியானவை என ஏற்றுக் கொள்கின்றனர்.

இதனால் இம் முடிவுகள் உறுதியான முடிவுகளாகி விடுகின்றன என்றும் தூதகரம் அனுப்பி வைத்த தபாலில் சுட்டிக்காட்டியுள்ளதாகவும் விக்கிலீக்ஸ் தெரிவித்துள்ளது.

அத்துடன் கேந்திர முடிவுகளும் ஒரு குறிப்பிட்ட வட்டத்தின் மூலமாகவே எடுக்கப்படுகின்றது எனவும் குறிப்பாக ஜனாதிபதி மற்றும் அவர்களின் சகோதரர்களினாலேயே இம் கேந்திர முடிவுகள் எடுக்கப்படுவதாகவும் அதில் விளக்கப்பட்டுள்ளது.

அமெரிக்கத் தூதரக பிரதித் தலைமை அதிகாரி வெலரிக் பௌலரால் 2009ம் ஆண்டு நவம்பர் மாதம் 17ம் திகதி எழுதப்பட்டு இரகசியம் எனத் தலைப்பிடப்பட்டு இக்கடிதம் அனுப்ப்பட்டுள்ளது.

இக்கடிதத்தில் குறிப்பு என அமெரிக்கத் தூவர் பெற்றீஸியா இதில் பின்வருமாறு குறிப்பிட்டுள்ளார்.

இதில் அநேக உள்ளூர் வர்த்தகத் தலைவர்களுக்கும் நல்ல தொடர்பு உண்டு. இலங்கையின் தனித்துவமான பொருளாதார முடிவால் இவர்கள் பயனடைவார்கள் என தூதுவர் தெரிவித்துள்ளார்.

கடந்தகால நடவடிக்கை குறித்தும் தூதுவர் பெற்றீஸியா இதில் பின்வருமாறு குறிப்பிட்டுள்ளார்.முன்னர் முடிவு எடுப்பது தொடர்பான பூர்வாங்க சம்பிரதாய பூர்வமான நடைமுறை நிதியமைச்சினால் அறிவிக்கப்படும். இதில் வரிசைக்கிரமமான அமைச்சுக்களினதும் தனியார் துறையினதும் ஆலோசனைகளும் இதற்குப் பெறப்படும்.

இலங்கை அரசிடம் நூற்றிற்கு மேற்பட்ட அமைச்சுகள் உள்ளன. அநேக அமைச்சர்கள் முழுமையாக அரசியல் காரணங்களுக்காகவே அலுவலகங்களைக் கொண்டிருக்கிறார்கள்.

ஓர் அமைச்சு பொருளாதாரக் கொள்கையை மாற்றத் திட்டமிடுமானால் அது முதன்முதலாக நிதியமைச்சில் இயங்கும் தேசிய திட்ட ஆணைக்குழுவின் ஒப்புதலைப் பெறவேண்டும். ஒப்புதல் அளிக்கப்பட்டதும் அது தொடர்பாக நிதியமைச்சிடம் பூர்வாங்க வேண்டுகோள் விடுக்கப்படும்.

எனினும் இப்போது ஜனாதிபதி ராஜபக்ச தாமே நிதியமைச்சர் போல செயற்படுகிறார். நிதிச் செயலாளர் ஜயசுந்தரவின் செல்வாக்கு ஜனாதிபதியை எட்டும் நிலையில் இல்லை. ஜனாதிபதியே நிதியமைச்சை நடத்துகிறார். தாம் பதவிக்கு வந்தது முதல் அவரே பொருளாதாரக் கொள்ளையை மாற்றியுள்ளார்.

மற்றவர்கள் குறிப்பாக மத்தியவங்கி ஆளுநர் கப்ரால் ஏற்றுமதி, அபிவிருத்தி மற்றும் சர்வதேச வர்த்தக அமைச்சர் ஜீ.எல.பீரிஸ் ஆகியோர் இந்த வட்டத்திற்குள் அடங்குவர் என அவர் மேலும் குறிப்பிட்டு்ள்ளார்.