சோனியாவுக்கு 11வது இடம்

by **அ.இராமநாதன்** Fri Nov 04, 2011 8:53 am

உலகின் சக்தி வாய்ந்த நபர்கள் பட்டியல் :சோனியாவுக்கு 11வது இடம்-
நியூயார்க்: உலகின் சக்திவாய்ந்த நபர்கள் பட்டியலில்,
அமெரிக்க அதிபர் ஒபாமா முதல் இடத்தில் உள்ளார். காங்., தலைவர் சோனியா,
பிரதமர் மன்மோகன் சிங் ஆகியோரும், இந்தப் பட்டியலில் இடம் பிடித்துள்ளனர்.
இந்தாண்டின்,
உலகின் சக்திவாய்ந்த நபர்கள் குறித்த பட்டியலை, "போர்ப்ஸ்' பத்திரிகை
வெளியிட்டுள்ளது. இதில், அமெரிக்க அதிபர் ஒபாமா, முதல் இடத்தைப்
பிடித்துள்ளார். கடந்தாண்டு வெளியான பட்டியலில், ஒபாமா முதல் இடத்தை
இழந்திருந்தார். ஆனாலும், பின்லேடன், கடாபி ஆகியோருக்கு எதிராக, அமெரிக்கா
எடுத்த நடவடிக்கைகள் காரணமாக, இந்தாண்டு பட்டியலில், அவருக்கு முதல் இடம்
கிடைத்துள்ளது.

காங்கிரஸ் தலைவர் சோனியா, பட்டியலில் 11வது இடத்தைப்
பிடித்துள்ளார். சோனியா, இந்தியாவின் சக்திவாய்ந்த தலைவர் என்றும்,
பிரதமராவதற்கு இரண்டு முறை வாய்ப்பு கிடைத்தும், அதை மன்மோகன் சிங்கிடம்
ஒப்படைத்து விட்டார் என்றும், அந்த பத்திரிகையில் தெரிவிக்கப்பட்டுள்ளது.

பிரதமர்
மன்மோகன் சிங்கிற்கு, பட்டியலில் 19வது இடம் கிடைத்துள்ளது. இவரை மிகச்
சிறந்த பொருளாதார நிபுணர் என, அந்த பத்திரிகை வர்ணித்துள்ளது. ரஷ்யாவின்
விளாடிமிர் புடின் இரண்டாவது இடத்திலும், சீன அதிபர் ஹூ ஜிண்டாவோ மூன்றாவது
இடத்திலும் உள்ளனர். ஜெர்மன் அதிபர் ஏஞ்சலா மார்கெல் நான்காவது
இடத்திலும், அமெரிக்க வெளியுறவுத் துறை அமைச்சர் ஹிலாரி 16 வது இடத்திலும்
உள்ளனர்.