வண்ணவில்! வானவில்! - வேதா. இலங்காதிலகம்

வண்ணவில்! வானவில்!

எந்தக் குழந்தைத் தூரிகையின்
பாந்தமான அழகு விசிறல்
இந்த ஏழு வண்ண வானவில்!

மழையோடு இணைந்த வெயில்
அழைத்து வானிற்கு இட
குழைத்த திலகமோ வானவில்!

கோணலாய் வளைந்தேன் கிடக்கிறது
வானத்தெருவின் சமிக்ஞை விளக்கு!
வாருங்களேன் தூக்கி நிறுத்தலாம்!

நிலத்தில் தானே வளைகிறது!
நில்லாது வாருங்கள் ஓடுவோம்!
நிச்சயமாய்த் தொட்டு ரசிப்போம்!

[You must be registered and logged in to see this link.]

அட்சர கேத்திர கணிதத்தில்
அசகாய சூரனோ இயற்கை!
அருமையாக வளைத்துள்ளானே வானவில்லை!

விப்ஜியோர் (VIBGYOR ) ஏழு நிறங்கள்
விரிக்கும் ஆரம்ப எழுத்துகள்
அரிதாய் ஐந்தாம் வகுப்பில் கற்றது.

வானவில்லில் தோரணம் கட்டி
வஞ்சி மகளுக்கு ஊஞ்சலிட்டு
இஞ்சு இஞ்சாய் ரசிப்போம் வானவில்லை.

[You must be registered and logged in to see this link.]
பா ஆக்கம் வேதா. இலங்காதிலகம்.
ஓகுஸ், டென்மார்க்.
9-11-2011.